MOIHAP sa 1,200 ka mga mangingisda ang nakadawat og food pack nga dunay sud nga mga bugas ug mga delata gikan sa buhatan ni Davao City 1st District Congressman Paolo "Pulong" Duterte niadtong Septyembre 10, 2020 sa seaside sa Purok 8, Barangay 76-A Bucana, Davao City.
Kini agi og ayuda sa buhatan sa kongresista ngadto sa mga "poorest of the poor" nga mga mangingisda sa maong barangay nga naapektuhan sa krisis dala sa coronavirus disease (Covid-19).
Mga benepisyaryo mao ang naglangkob sa asosasyon sa mga mangingisda sa Aroma, Riverside, Purok Pasil, Purok 22A, Badjao, Kisada, Seaside, Dapsa 1 ug Dapsa 2, Muslim-Christian, Bucana sa Kalambuan ug sa Bolton Riverside.
Una niini, napang-apud-apod na sab sa 54 ka mga barangay sa unang distrito ang mga food packs.
Tumong sa programa nga bisan sa gamay nga pamaagi, dunay makaon ang mga tawo labi na kadtong mga "poorest of the poor" sa 54 ka mga barangay sa unang distrito ning siyudad.