NAKATALA og 12 ka mga bag-ong kaso sa coronavirus disease (Covid-19) ang Cagayan de Oro, walo niini mga lokal nga kaso, tulo ang local Authorized Persons Outside Residence (Apors) ug usa ang returning overseas Filipino worker (ROF).
Matud ni Acting City Health Officer Dr. Lorraine Nery, sa walo ka mga bag-ong lokal nga kaso, upat ang close contacts sa kaniadto nga nakumpirmang mga kaso sa Covid-19.
Ang kinatibuk-ang ihap sa mga kumpirmadong kaso sa syudad anaa na sa 439.
Ang ika-428 nga kaso usa ka 30 anyos nga lalaki nga ROF nga gikan sa Middle East ug residente sa Barangay Nazareth. Miabot siya sa Manila Agosto 27 diin siya gi-swab.
Matud ni City Health Office Epidemiologist Dr. Joselito Retuya, ang lalaki nagpabilin sa usa ka accomodation facility sa Taguig samtang naghulat sa resulta.
Miabot siya sa Cagayan de Oro pinaagi sa eroplano Setyembre 1. Gi-swab siya Setyembre 7 ug ang resulta migawas nga positibo sa Setyembre 10. Siya asymptomatic ug wala’y comorbidity.
Ang ika-429 nga kaso usa ka 27 anyos nga lalaki nga lokal nga Apor nga nagpuyo sa Barangay Lapasan. Ang lalaki na-expose sa ika-359 nga kaso, ang 38 anyos nga lalaki nga lokal nga Apor gikan sa usa ka gated nga komunidad sa Barangay Carmen.
Siya adunay hilanat ug sore throat Setyembre 5 ug Setyembre 7, naa siya sa city isolation unit. Gi-swab siya Setyembre 8 ug ang resulta migawas nga positibo sa Setyembre 10.
Sa pagkakaron, ang lalaki nakasinati pa og hilanat ug sore throat ug gitambalan. Nailhan sa City Health Office ang 15 ka mga close contacts.
Ang ika-430 nga kaso usa ka 27 anyos nga lalaki nga residente sa Barangay Puntod. Gihilantan siya Setyembre 5 ug gidala sa Northern Mindanao Medical Center (NMMC).
Ang lalaki gi-swab ug migawas nga positibo ang resulta sa Setyembre 10. Gibalhin siya sa Temporary Treatment and Monitoring Facility. Adunay siya on-and-off fever ug wala’y comorbidity.
Ang ika-431 nga kaso usa ka 26 anyos nga babaye nga lokal nga Apor nga nagpuyo sa Barangay Carmen. Usa siya ka healthcare worker nga na-expose sa ika-312 nga kaso, ang 25 anyos nga babaye nga lokal nga Apor nga residente sa Barangay Patag.
Ang babaye adunay hilanat Setyembre 6 ug gi-swab sa NMMC. Gitambagan siya nga mag-quarantine sa balay. Ang resulta sa iyang swab test migawas nga positibo sa Setyembre 10.
Anaa siya karon sa Temporary Treatment and Monitoring Facility. Nailhan sa City Health Office ang upat ka mga close contacts sa babaye.
Ang ika-432 nga kaso usa ka 50 anyos nga babaye nga residente sa Barangay Macabalan. Usa siya ka healthcare worker nga na-expose sa ika-344 nga kaso, ang 27 anyos nga babaye nga taga-Barangay Macabalan.
Matud ni Retuya, gi-assist sa babaye ang ika-344 nga kaso Setyembre 1. Nagpabilin siya sa city isolation unit Setyembre 7. Gi-swab siya Setyembre 8 ug ang resulta migawas nga positibo Setyembre 10.
Ang ika-433 nga kaso usa ka 9 anyos nga babaye nga na-expose sa ika-310 ug ika-414 nga mga kaso. Ang ika-310 nga kaso usa ka 51 anyos nga lalaki nga residente sa Barangay Kauswagan, ug ang ika-414 nga kaso usa ka 41 anyos nga babaye nga lokal nga Apor gikan sa Barangay Kauswagan.
Ang babae gi-swab ug migawas nga positibo ang resulta sa Setyembre 10. Nakatakda siyang ibalhin sa Temporary Treatment and Monitoring Facility.
Ang ika-434 nga kaso usa ka 55 anyos nga babaye nga residente sa usa ka gated community sa Barangay Lumbia. Gihilantan, gipugnaw ug giubo siya Setyembre 8 ug miadto sa NMMC para magpakonsulta.
Ang babaye gi-swab Setyembre 9 ug ang resulta migawas nga positibo sa Setyembre 10. Nagpabilin siya karon sa Temporary Treatment and Monitoring Facility.
Sa pagkakaron, ang 55 anyos nga babaye adunay hilanat, sakit sa ulo, ug ubo. Adunay usab siya hypertension.
Ang ika-435 nga kaso usa ka 32 anyos nga babaye nga lokal nga Apor nga nagpuyo sa usa ka gated community sa Barangay Lumbia. Anak siya sa ika-434 nga kaso.
Ang babaye adunay hilanat, ubo ug chills Setyembre 3. Kauban niya ang iyang inahan sa pag-adto sa NMMC para magpakonsulta Setyembre 9.
Gi-swab siya Setyembre 9 ug migawas nga positibo ang resulta sa Setyembre 10. Nagpabilin siya karon sa Temporary Treatment and Monitoring Facility.
Nailhan sa City Health Office ang 11 ka mga close contacts sa pamilya sa babaye.
Ang ika-436 nga kaso usa ka 30 anyos nga babaye nga residente sa Barangay Lapasan. Siya gihilantan ug gi-ubo Setyembre 9 sa panahon sa pagtrabaho. Pinauyon kay Retuya, nibisita siya sa Maternal Care Package alang sa paghatud sa Lapasan.
Ang babaye gi-refer sa NMMC ug gi-swab. Ang resulta migawas nga positibo Setyembre 10. Ang City Health Office nailhan ang upat ka mga close contacts.
Karon, adunay siya hilanat ug ubo ug siya asthmatic.
Ang ika-437 nga kaso usa ka 32 anyos nga lalaki nga residente sa Barangay 17. Matud ni Retuya, nagbiyahe siya sa Iligan City Agosto 30. Nasinati niya ang sakit sa ulo Setyembre 6 ug nagpa-check up sa nars sa kompanya.
Gitambagan ang lalaki nga kuhaon ang iyang swab sa usa ka pribadong sentro sa pagsulay. Nailisan siya kaniadtong Septyembre 8 ug positibo ang migawas nga resulta sa Setyembre 9. Nakatakda siyang ibalhin sa Temporary Treatment and Monitoring Facility.
Ang ika-438 nga kaso usa ka 53 anyos nga lalaki nga residente sa usa ka gated community sa Barangay Lumbia. Na-expose siya sa ika-420 nga kaso, ang 29 anyos nga lalaki nga lokal nga APOR nga residente sa usa ka gated nga komunidad sa Barangay Kauswagan.
Ang lalaki adunay hilanat Setyembre 1. Naa siya'y loss bowel movement (LBM) ug miadto sa usa ka pribadong ospital para magpakonsulta Setyembre 8. Gi-swab siya ug ang resulta migawas nga positibo sa Setyembre 10.
Nailan sa City Health Office ang tulo ka mga close contacts.
Ang ika-439 nga kaso usa ka 28 anyos nga lalaki nga lokal nga Apor nga gikan sa Barangay Mambuaya. Sakup siya sa Armed Forces of the Philippines (AFP). Matud ni Retuya, nadestino siya sa Butuan.
Sa Agosto 29, niadto siya sa Surigao del Sur ug nibalik sa ilang base sa Butuan pagkahuman. Nakasinati siya og body weakness Agosto 30 ug adunay siya sore throat, loss of sense of smell and sense of taste sa Setyembre 7.
Ang lalaki naadmit sa tambalanan sa Camp Evangelista diin siya gi-swab Setyembre 8 ug ang resulta migawas nga positibo sa Setyembre 10.
Sa pagkakaron, naa siya sa isolation area sa nahisgutang tambalanan. Nailhan sa City Health Office ang upat ka mga close contacts sa lalaki.
Nakatala ang Cagayan de Oro og 154 ka mga active cases, diin upat niini na-admit sa NMMC, 92 ang outpatients ug 58 ang ROFs/LSIs.