DSWD list ibutang sa barangay

ARON mahatagan og kahigayonan ang publiko nga makakita sa lista kon kinsa ang na-assess sa Department of Social Welfare and Development (DSWD) nga mga kabus, ibutang kini sa ahensiya sa tagsatagsa ka mga barangay.

Mao kini ang gipahibawo sa ahensiya subay niining himuon nga validation ug finalization phase sa Listahanan 3. Matod sa DSWD 7 nga usa kini sa ‘kritikal’ nga parte sa listahanan sa mga panimalay aron masiguro nga ang anaa sa lista nalakip sa sektor sa mga kabus.

Sa tagsatagsa ka mga barangay hall sa nagkadaiyang local government unit (LGU) i-mantala ang mga lista sa Listahanan.

Isip pagpangandam sa Listahanan 3 validation ug finalization phase, mihimo og Training of Trainers ang DSWD 7 nga gipasilitar sa National Household Targeting Office (NHTO) pinaagi sa webinar.

Lakip sa gihisgutan ang proseso ug ang systema nga gamiton sa pagdawat ug pagresolbar sa mga reklamo. Ang Validation Search Application (VSA) mao ang usa sa gamiton sa pagdawat ug pagresulbar sa reklamo, “Your output is very critical to the programs we have for the poor,” matod ni Regional Director Rebecca P. Geamala sa mga partisipante sa webinar.

“Please bear in mind that many stakeholders rely on the results of the Listahanan data. Let us focus on the end goal of Listahanan which is to find who and where the poor are but let us remain vigilant and follow safety protocols and take care of yourselves,” matod usab ni Usec. Jose Antonio R. Hernandez.

Ang Listahanan gilusad niadtong 2009 ug mandato kini nga i-update ang data matag upat ka tuig ubos sa Executive Order 867 series of 2010. / HBL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph