DUGANG katorse ka mga bag-ong kaso sa coronavirus disease 2019 (Covid-19) ang natala sa Cagayan de Oro human nagpositibo sa Sars-CoV-2 ang 12 ka mga local cases, usa ka locally stranded individual (LSI), ug usa ka returning overseas Filipino worker (ROF).
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 453.
Matud ni Acting City Health Officer Dr. Lorraine Nery, ang tanan ka mga bag-ong nagpositibo nga mga lokal nga kaso mga close contacts sa previously confirmed nga mga kaso.
Ang ika-440 nga kaso usa ka 30-anyos nga lalaki nga ROF nga gikan sa Middle East ug residente sa Barangay 24. Miabot siya sa NAIA Agosto 29 diin siya gi-swab.
Matud ni City Health Office Epidemiologist nga si Dr. Joselito Retuya, ang lalaki nagpabilin sa usa ka hotel sa Manila samtang naghulat sa resulta.
Miabot siya sa Cagayan de Oro pinaagi sa eroplano Septyembre 2. Gi-swab ang pasyente niadtong Setyembre 8 ug ang resulta migawas nga positibo siya sa Covid pagka Setyembre 11.
Ang ika-441 nga kaso usa ka 24-anyos nga babaye nga LSI nga gikan sa Manila ug residente sa Barangay Bayabas. Miabot siya sa Cagayan de Oro Setyembre 3 ug gi-swab ang pasyente niadtong Setyembre 8. Ang resulta migawas nga positibo siya sa Covid niadtong Setyembre 11.
Gikataho nga asymptomatic o walay gihambin nga sintomas sa Covid ug walay laing sakit ang pasyente.Gikatakda nga ibalhin siya sa Temporary Treatment and Monitoring Facility.
Ang ika-442 nga kaso usa ka 5-anyos nga babaye nga na-expose sa ika-364 nga kaso, ang 83-anyos nga lalaki nga taga-Barangay Cugman. Gi-swab niadtong Setyembre 8 ang pasyente ug ang resulta migawas nga positibo siya sa Covid niadtong Setyembre 11.
Matud ni Retuya, ang batang babaye, kinsa apo sa ika-364 nga kaso, nagbiyahe sa Libona, Bukidnon.
Ang ika-443 nga kaso usa ka 49-anyos nga babaye nga na-expose sa ika-393 nga kaso, ang 38-anyos nga babaye nga lokal nga APOR gikan sa Barangay Nazareth nga usa ka healthcare worker sa usa ka public hospital sa Misamis Oriental.
Matud ni Retuya, ang katapusang adlaw sa exposure sa 49-anyos nga babaye kaniadtong Setyembre 8. Gi-swab ang pasynete pagka Setyembre 9 ug ang resulta migawas nga positibo siya niadtong Setyembre 11. Siya ang househelper sa ika-393 nga kaso.
Ang ika-444 nga kaso usa ka 45-anyos nga babaye nga residente sa Barangay Nazareth nga househelper ug na-expose sa ika-393 nga kaso. Ang babaye gi-swab Setyembre 9 ug ang resulta migawas nga positibo pagka Setyembre 11.
Ang ika-445 nga kaso usa ka 29-anyos nga babaye nga igsoon sa ika-393 nga kaso. Gi-swab siya niadtong Setyembre 9 ug ang resulta positibo siya sa Covid pagka aSSetyembre 11.
Ang ika-446 nga kaso usa ka 25-anyos nga babaye nga residente sa Barangay Nazareth ug ang househelp sa ika-393 nga kaso. Gi-swab siya Setyembre 9 ug ang resulta migawas nga positibo niadtong Setyembre 11.
Ang ika-447 nga kaso usa ka 17-anyos nga lalaki nga ig-agaw sa ika-393 nga kaso. Gi-swab siya Setyembre 9 ug ang resulta migawas nga positibo Setyembre 11. Siya wala’y simtomas ug wala’y comorbidity.
Ang ika-448 nga kaso usa ka 7-anyos nga anak nga lalaki sa ika-393 nga kaso. Gi-swab siya Setyembre 9 ug ang resulta migawas nga positibo Setyembre 11.
Ang ika-449 nga kaso usa ka 3-anyos nga anak nga lalaki sa ika-393 nga kaso. Gi-swab siya Setyembre 9 ug ang resulta migawas nga positibo Setyembre 11. Wala siya’y comorbidity.
Ang ika-450 nga kaso usa ka 2-anyos nga anak nga lalaki sa ika-393 nga kaso. Gi-swab siya Setyembre 9 ug ang resulta migawas nga positibo Setyembre 11.
Ang ika-451 nga kaso usa ka 9-anyos nga anak nga lalaki sa ika-393 nga kaso. Gi-swab siya Setyembre 9 ug ang resulta migawas nga positibo Setyembre 11.
Ang 452 nga kaso usa ka 34-anyos nga babaye nga lokal nga APOR nga nagpuyo sa Barangay Kauswagan. Usa siya ka healthcare worker nga na-expose sa ika-385 nga kaso, ang 31-anyos nga healthcare worker sa Northern Mindanao Medical Center (NMMC) nga nagpuyo sa Barangay Kauswagan.
Ang babaye nakasinati og hilanat ug sa Setyembre 8, naa siyay sore throat. Naa siya karon sa Temporary Treatment and Monitoring Facility.
Ang ika-453 nga kaso usa ka 32-anyos nga babaye nga lokal nga APOR nga nagpuyo sa Barangay Lapasan. Siya usa ka healthcare worker nga na-expose sa ika-385 nga kaso.
Matud ni Retuya, ang babaye na-expose sa ika-385 na kaso sa Setyembre 3. Siya adunay hilanat, ubo ug sip-on. Gi-swab siya Setyembre 10 ug ang resulta migawas nga positibo sa gabii sa maong adlaw.
Sa kinatibuk-an, niabot na sa 168 ang aktibong kaso sa Covid sa Cagayan de Oro.
16 niini ang gi-admit sa NMMC, 92 ang mga outpatients, ug 60 ang mga ROFs/LSIs.