MANAG live-in partner nasikop uban sa ilang kakunsabo sa usa ka buy-bust diin sila nakuhaag binultong drugas sa Biyernes sa alas 10:05 sa gabii, Septiyembre 11, sa Sitio Agay-ay Brgy. Poblacion, lungsod sa Liloan.
Si Arnold Ortega, 45, nagpuyo sa nahisgutang lugar, giingong high value individual (HVI), nasikop uban sa iyang kapuyo nga si Violita Obsequies, 52.
Lakip sa nasikop ang ilang kakunsabo nga si Lunithe Dequitos, 18, minyo.
Si Police Lieutenant Colonel Randi Korret, hepe sa Provincial Intelligence Unit (PIU) sa Cebu Police Provincial Office (CPPO) maoy nangu sa operasyon, uban sa mga sakop sa Provincial Drug Enforcement Unit (PDEU).
Si Korret nibutyag nga si Ortega usa sa mga bigtime pusher sa dapit.
Ila kini gipalitan og usa ka medium size nga putos sa shabu.
Dihang ila nang nakuhaan og shabu, ilang gidakop ug nakuhaan pag laing tulo ka medium nga putos sa shabu.
Ang drugas mitimbang og 20 gramos, mobalor og P136,000 base sa Dangerous Drugs Board (DDB) value ug halin nga P1,000. (GPL)