SUPERBALITA DAVAO

Edaran nakig-uban og edaran sab sa lodge, mituskig

Hulagway gikan kang Edgardo E. Fuerzas

COTABATO CITY -- Nabugtoan sa kinabuhi ang usa ka lalaki nga nakigkita sa iyang uyab sa lodge alas 9:15 sa buntag niadtong Sabado, Septiyembre 12, 2020, sa siyudad.

Giila ang biktima nga si Jerry Angoto Pigcaulan, 55 anyos, balo ug molupyo sa Barangay Capiton Datu Odin Sinsuat, Maguindanao.

Uban ni Pigcaulan sa lodging house ang usa ka Zara, 50 anyos, negusyante nga nagpuyo sa Barangay Kudal Pagalungan, Maguindanao.

Giasoy sa roomboy nga si alyas Ren-ren nga nag-check-in ang duha sa room 16 sa Josefas Lodge sa Makakua Street, Barangay Poblacion 6, Cotabato City.

Miabot ang sobra usa ka oras migawas si Zara ug nangayog pakitabang sa mga staff sa Josefas Lodge.

Napagawas pa sa mga staff si Pigcaulan sa lawak aron unta dal-on sa balay-tambalanan apan nagkirig-kirig kini, migahi ang lawas ug nakabsan sa iyang kinabuhi.

Gipamahayag ni Zara nga mangaon lang unta sila ni Pigcaulan apan natingala kini nganong gidala siya sa lodge.

Gidugang niini nagbalik-balik ang biktima sa CR ug sige’g pangihi unya taud-taud kalit mikirig ug misulirap ang mata.

Ang duruha magka-textmate ug chatmate sa Facebook, nagkauyab ug nakadesisyon nga magkita.

Sa imbestigasyon sa kapulisan, wala silay nakita nga foul play sa kamatayon sa biktima.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph