Milapas sa quarantine protocol sa Mandaue miabot og kapin sa 170

SUKAD sa pagsugod sa quarantine sa komunidad hangtod sa Septiyembre 2020, aduna nay 147 ka mga indibidwal ang nakalapas sa minimum health standard ug 29 ka indibidwal ang nakalapas sa curfew ug gipangdakup sa kapulisan sa dakbayan sa Mandaue.

Matod ni PCol. Jonathan Abella, director sa Mandaue City Police Office, ang kadaghanan sa mga gidakop tungod sa paglapas sa minimum health protocol mao ang wala pagsul-ob og face mask sa publikong lugar.

Kasagaran nilang madakpan atol sa ilang pag-roving.

Dakpon nila kadtong dili magsul-ob og face mask ug kadtong dili husto nga pagsul-ob og face mask o ibutang kini sa ilawom sa suwang.

Si Abella nagkanayon nga ang mga madakpan idetinar sa bag-ong pasilidad sa Department of General Services (DGS) nga nahimutang sa Barangay Labogon, Dakbayan sa Mandaue.

Ang mga tawo nga nadakpan nga wala magsul-ob og face mask pamultahon og P5,000 ug ang mga makalapas sa ubang minimum health protocol, makamulta og P1,000.

Niadtong Abril, nadakpan sa MCPO ang 32 ka indibidwal tungod sa pagsupak sa minimum health protocol ug 17 ka nga indibidwal ang nakalapas sa curfew.

Niadtong Mayo, nakasikop ang MCPO og 11 ka indibidwal tungod gihapon sa pagsupak sa minimum health protocol ug usa lang ang nakalapas sa curfew.

Niadtong Hunyo, nakadakop ang MCPO og siyam ka indibidwal tungod sa pagsupak sa minimum health protocol ug usa ang nakalapas sa curfew.

Niadtong Hulyo, nakasikop ang MCPO og 33 ka indibidwal tungod usab sa pagsupak sa minimum nga mga protocol sa kahimsog ug 10 ka indibiduwal ang nakalapas sa curfew.

Niadtong Agusto, nakadakop ang MCPO og 47 ka indibidwal tungod sa pagsupak sa minimum health protocol.

Niadtong Septiyembre, nakadakop ang MCPO og upat ka indibidwal tungod sa pagsupak sa mga minimum health protocol. (KFD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph