UNOM ka buwan gikan sa pandemya kumusta na ba ang showbiz?
Yes, niladlad na gyud silang Janella Salvador ug Markus Paterson sa ilang relasyon nga April 2019 pa nabaniog.
Apan si Bea Alonzo ug Dominique Roque kanus-a kaha motug-an nga last year pa sad natsismis?
Maayo ni sila pakungon sa iyang ex nga si Gerald Anderson nga deny to death gihapon bahin ni Julia Barretto.
Maayo pa si Carlo Aquino kay gipakita na niya ang iyang newborn baby courtesy sa iyang girlfriend nga si Trina Candaza.
Si Julia Montes kaha kanus-a mokumpisal sa tinuod niyang estado?
Mao ni nakaparat sa showbiz kay wa gyuy baho nga dili mangalisbo.
GIBAWI NA
Hingpit nang gibawi sa gobyerno ang frequencies sa ABS-CBN (Channel 2 ug Channel 23) human nga wala na gi-renew sa kongreso ang ilang prangkisa.
Sa ato pa sa dili madugay lain na unya ang mogamit ning maong mga frequency. Apan unsa bay naani sa nasud sa pagkawa sa ABS-CBN?
Weder-weder lang ra ba ning pulitika. Unsa kahay porma sa nagpaabot nilang karma? Di nako ma-imagine. Huh!
LAY-OFF
Kapait gyud diay sa panahon karon kay bisan ang GMA-7 nang-lay-off pud og mga empleyado. Sagad sa mga apektado ang mga contractual worker sa GMA News TV.
Ang Kapuso Network nideklarar og 4% nga ginansiya or P1.4 billion sa first half sa 2020 tungod sa pagkunhod sa ilang operating expenses sanglit binalik ra ang ilang mga entertainment show gawas sa news and public affairs program.
Apan grabe sad ang pagkunhod sa ilang advertising revenues nga mokabat sa 15% (from P7.3 billion to P6.1 billion) sa first half tungod sa pandemic.
SOCIAL MEDIA
Kabantay mo sa mga artista nga mas aktibo sila karon sa social media?
Tingali usa sa mga rason aron magpabilin silang relevant gihapon ning panahon nga gidili pa ang mga live show ug pelikula.
Dili sad imposible nga gimingaw na sila sa mga masipang pakpak sa ilang fans mao nga gihimo na lang nilang outlet ang social media pinaagi sa mga like, comments ug reactions sa ilang followers.
Kon duna may apektado kaayo karon ning panahon sa pandemya kini mao ang mental health sa mga artista nga naanad sa `glitz and glamour’ sa showbiz.
Ikaw, kumusta na?