NANIRADO ang 70 ka mga kompaniya sa gumikan sa pagtakboy sa Covid-19 ngadto sa ilang mga empleyado sukad sa pag-abot sa pandemiya sa dakbayan sa Sugbo apan mihinay na kini sa pagbalik og abli.
Apan gipahibawo ni City Attorney Rey Gealon, spokesperson ni Mayor Edgardo Labella, nga nakabalik na og operate ang 66 ka mga establisemento hangtod kagahapon, Septyembre 14, 2020.
Gihulagway ni Gealon nga 7 sa maong kompaniya ang taastaas nga panahon nga nisira ug nilanat kini og 14 ka adlaw diin ang 3 niabli nakabalik na samtang ang 4 pabilin pa nga sirado.
Giklaro ni Gealon nga boluntaryo nga nagsira sa ilang mga establishmento ang mga tag-iya aron sa pag-disinfect para mawala ang virus sa ilang palibot.
Matod sa Gealon nga kini ang nakuha nga kasayoran gikan sa Business Permit and Licensing Office ubos sa liderato ni Atty. Jared Limquiaco. (PAC)