USA ka istambay giluba-patay dihang ni-gate crash o kalit nisulod sa salosalo sa wedding anniversary sa silingan bisan wala gidapit sa Sitio Ongca, Barangay Banlot, lungsod sa Sibonga niadtong Dominggo, Septiyembre 13, alas 4:00 sa hapon.
Ang biktima mao si Roderick Escraman, 46, dunay kapuyo, ug molupyo sa naasoy nga dapit, dead-on-arrival (DOA) sa tambalanan sa lungsod. Nakaangkon kini og samad dinunggaban sa iyang walang bahin sa dughan.
Nasikop sa follow-up operasyon sa kapulisan si Eliseo Campo, 56, biyudo ug mag-uuma sa nahisgotang dapit.
Si Police Master Sgt. Herbert Pananganan, imbestigador sa Sibonga Police Station, niasoy sa Superbalita Cebu nga ang biktima nangombira sa wedding anniversary sa ilang silingan.
Apan, ang suspek nga uyoan sa nagselebrar nga si Jason Ordeñiza nalingaw sa pagtagay og ilimnong makahubog uban sa mga higala ug kabanay.
Matod ni Pananganan, kalit nga miabot ang biktima. Walay magmakuli sa pagkaon ug human sa pagkaon, niapil sa tagay sa grupo sa suspek.
Ug nahitabo ang ilang mainitong panaglalis hanghtud nga milakaw ang biktima aron mopauli apan dihang nilingkod na sa iyang motorsiklo aron mopauli, giapas kini sa suspek ug gihansakan sa mahait nga kusilyo sa walang bahin sa dughan.
Nalup-og ang biktima. Daling gidala sa tambalanan. Samang, ang suspek daling nakasibat suab.
“Wala lagi daw ni siya ang biktima giimbetar. Nangumbira diretso, pwerting kaon niini. Unya misagol sa inom nasuko ang suspetsado maong nagkalalis,” dugang asoy ni Pananganan.
Ang duha nagpasingitay samtang nagtagay hangtud nga tensiyunado na, nipauli na lang ang biktima, daso ni Panaganan,
“Pero kumpiyansa kay wala nakabantay, gisundan sa suspetsado..” dason niya.
Gipadayag niini nga pwerting laguta sa suspek nga nagtubagtubag niya ang biktima nga nii-gate crash lang ug niinom pa bisan wa sanpita.
Wala na marekuber sa kapulisan ang kutsilyo nga gigamit sa krimen. Kasong murder ang giandam sa kapulisan batok sa suspek.