MANILA - Pipila ka tuig na ang minglabay sa dihang nahimamat ko ang Sugboanong si Chuck Ybañez, taga Opon.
Paborito siyang kuhaon isip host sa mga showbiz gathering ug sa fashion show. Sayong minglangyaw si Chuck sa Manila para manimpad.
Hangtod sa nabalik ang among communication last week. Kalit ko nakadawat og chat gikan kang Chuck ug gisugid niya nga may bag-o siyang karera karon - usa na siya ka pintor.
“Bago pa lang ako, Tim. Nag-start lang ako nitong pandemic lang although during my high school days, hilig na jud nako ang mag-paint og nag-sugod ako sa mga school projects pero naisantabi ko siya tungod kay na-busy ako hangtud sa napunta ako sa call center and eventually sa hosting.”
“Nagsugod kini sa dihang gida ako sa akong amigo sa Art Bar ug nipalit ako og gamayng starter set and then I posted it on my Facebook og nakurat ako tungod kay daghan na kaayo ang nag-inquire kung for sale ba ang akong obra,” asoy ni Chuck.
Ug mao na to, nagsugod na og palit si Chuck og mga kagamitan para sa pagpinta og sud sa pipila lang ka buwan, ubay-ubay na ang iyang nabaligya og may mga celebrity pa huh.
Siguro puwede na natong i-mention dinhi ang mga satisfied clients ni Chuck o Obra Ni Chuck (iyang FB Page) like nila ni Cebuana singer nga si Sheryn Regis; controversial beauty queen Samantha Lo, BL actor Markki Stroem, Francine Garcia of Super Sireyna, Luis Alandy, Ogie Diaz ug uban pa.
Paborito ni Chuck ang abstract ug may naikuwento siya kabahin sa iyang pinakamahal nga obra nga ang title “Genesis.”
Usa ka itlog ug nindot kaayo ang detailed nga interpretation, evolution of earth/mankind ug pagkahuman, iya kining gipamala pinaagi sa pagtutok sa electric fan pero sa pagbalik niya mingkalat ang pintura, di puwedeng basta na lang ilabay ug minggana ang iyang utok, iya kining gi-retoke, imbes nga itlog, ang bilog naging porma og seed (liso) nga pasok din sa concept niyang Genesis ug so far mao kini ang iyang pinakamahal nga obra ug nahalin na.
“Since nagsugod pa lang ako, dili pa masyadong mahal ang obra ko, very affordable pa ilabi nga pandemic karon. Siguro saka na lang ako magtaas kung established na jud ako og may kaugalingon nang art gallery ug may first exhibit na,” dugang sa batan-ong pintor.
“Ang importante sa ako karon nga ma-appreciate muna nila ang art ko and then everything follows na.”
Namatikdan sad nako nga kakaiba ang utak ni Chuck, kung may subject na siyang nahimo, dili na niya kini ulitin pa so kung nanag-iya ka sa iyang painting, nag-inusara ka lang sa tibuok kalibutan, ayaw niya ng “mass production.”
Sa local, si Ang Kiukok ang iyang paboritong visual artist ug sa foreign naman, si Andy Warhol.
Kagahapon, nagkita kami ni Chuck sa Max Commonwealth ug nakita kong nakabalot og cellophane ang iyang kamot. ‘Yun pala, nagpa-tattoo diay siya bago kami nag-meeting ug sa dihang gipangutana ko ang iyang tattoo (in different colors, abi gani nako og may kinalaman kini sa LGBT, haha) pero nikatawa lang siya ug matud niya, “born to create” kuno ang meaning .
Puwede sad kuno siyang mohimo og nude painting ug gusto niyang subject si Catriona Gray, sa lalaki naman, si Piolo Pascual.
Kayang-kayang pagsabayin ni Chuck ang pagpinta ug ang iyang trabaho (training officer) diin naka-work at home lang siya. Desidido si Chuck nga dire-diretso na ang iyang pagiging pintor bisan og mobalik na sa normal ang tanan kay nasuta niya nga mao jud kini ang iyang calling.