SUPERBALITA CAGAYAN DE ORO

Oro nakatala og 7 ka mga bag-ong kaso sa Covid-19

NAKATALA og pito ka mga bag-ong kaso sa coronavirus disease (Covid-19) ang Cagayan de Oro, tanan pulos mga local cases, matud sa report ni City Health Office Epidemiologist nga si Dr. Joselito Retuya Martes, Setyembre 15.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 483.

Sumala ni Acting City Health Officer Dr. Lorraine Nery, sa pito ka mga bag-ong lokal nga kaso, usa niini ang close contact sa usa ka pasyenteng nagpositibo sa coronavirus, ug ang usa local Authorized Person Outside Residence (Apor).

Ang ika-477 nga kaso usa ka 34 anyos nga lalaki nga residente sa Barangay Tablon. Usa siya ka empleyado sa pribadong kompanya nga na-expose sa iyang amahan kinsa ang ika-372 nga kaso, ang 68 anyos nga lalaki nga taga-Barangay Tablon.

Ang 34 anyos nga lalaki gi-isolate sa iyang balay sa Setyembre 5 ug gi-swab Setyembre 11 sa usa ka private testing center. Ang resulta migawas nga positibo sa Setyembre 13.

Nailhan sa City Health Office ang unom nga workplace contact sa lalaki nga pulos na-swab ug negatibo ang resulta.

Ang ika-478 nga kaso usa ka 85 anyos nga lalaki nga residente sa Barangay Lapasan. Nakasinati siya og hilanat, sakit sa lawas ug shortness of breathing Setyembre 12. Gi-admit siya sa usa ka pribadong ospital.

Ang lalaki gi-swab ug migawas nga positibo ang resulta Setyembre 14. Gikatakdang ibalhin siya sa Northern Mindanao Medical Center (NMMC). Nailhan sa City Health Office ang 15 ka close contacts.

Ang ika-479 nga kaso usa ka 52 anyos nga lalaki nga residente sa usa ka gated subdivision sa Barangay Carmen. Nakasinati siya og throat discomfort Setyembre 10 ug na-admit sa usa ka pribadong ospital Setyembre 11. Gihilantan usab siya.

Ang lalaki gi-swab ug ang resulta positibo nigawas kaniadtong Septyembre 14. Gikatakda siyang ibalhin sa Temporary Treatment and Monitoring Facility. Nailhan sa City Health Office ang tulo nga direkta nga kontak sa panimalay, tanan asymptomatic ug gikatakda nga ibalhin sa city isolation unit.

Ang ika-480 nga kaso usa ka 66 anyos nga lalaki nga residente sa Barangay Lapasan. Nagpakonsulta siya ug gi-admit sa JR Borja General Hospital Setyembre 12. Siya adunay on and off fever ug ubo duha ka semana sa wala pa siya giadmit.

Sa Setyembre 12, nakasinati ang lalaki og epigastric pain ug kalisud sa pagginhawa. Gi-swab siya ug migawas nga positibo ang resulta sa Setyembre 14. Nakatakda siyang ibalhin sa NMMC.

Ang ika-481 nga kaso usa ka 83 anyos nga lalaki nga residente sa Barangay Pagatpat. Adunay siya ubo Setyembre 6 ug na-admit sa JR Borja General Hospital sa Setyembre 11 tungod sa generalized weakness ug loss of appetite.

Ang lalaki na-diagnose ogchronic kidney disease secondary to hypertensive nephropathy related to community-acquired pneumonia (high risk). Gibalhin siya sa NMMC diin siya intubated ug gi-swab. Ang resulta migawas nga positibo.

Namatay siya sa sayong kabuntagon sa Lunes, Setyembre 14. Ang iyang patayng lawas gi-cremate mga alas-11 sa buntag sa mao nga adlaw.

Ang ika-482 nga kaso usa ka 94 anyos nga babaye nga residente sa Barangay 35. Nakasinati siya og ubo ug hilanat Setyembre 10 ug gipa-admit sa NMMC. Ang lalaki gi-swab ug ang resulta migawas nga positibo sa Setyembre 14.

Matud ni Retuya, ang balay sa babaye naa mahimutang duol sa contained area sa Barangay 35.

Ang ika-483 nga kaso usa ka 36 anyos nga babaye nga residente sa Zone 6, Barangay Tablon. Usa siya ka healthcare worker sa NMMC ug naa siya'y sintomas sa katapusang adlaw sa iyang katungdanan.

Ang babaye gi-swab ug migawas nga positibo ang resulta sa Setyembre 14. Ang pasyente anaa karon sa NMMC ug gikatakdang ibalhin sa Temporary Treatment and Monitoring Facility.

Ang Cagayan de Oro adunay 188 nga mga active cases, 15 niini gi-admit sa NMMC, 111 ang mga outpatient, ug 62 ang mga ROFs/LSIs.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!