ANGAYANG proteksyunan ang kapanginabuhian sa mga molupyo sa lungsod sa Alcoy pinaagi sa pagmina og dolomite.
Ang probinsya sa Sugbo dunay kamandoan alang sa pagsunod sa polisiya sa kompaniya samtang, ilang paminawon ang tingog sa Mines and Geosciences Bureau (MGB) nga naghatag og permit.
Kasayuran nga nakuha sa Agila niadtong dekado 90 pa ang dolomite mining.
Nahimong isyu ang pagmina og dolomite sa Alcoy sa dihang nabulgar nga maoy gihimong bas sa pag-abuno sa Manila Bay aron himuong sama sa Boracay.
Maayo sab hinuon ang plano sa Kapitolyo aron masuta kon unsa kaluwas ang operasyon sa minahan ug di pilegro ang kinabuhi sa mga minero.
Sa interview sa Agila, gikonpirmar ni Provincial Board Member Tata Salvador (Cebu, 2nd district) ang lakang nga gihimo sa Hunta Provincial.
Sama sa pagpatawag ug pag-atubang ni Loreto Alburo, hepe sa MGB 7, sa mga magbabalaud sa probinsya.
Si Salvador nipahibawo nga usa kini ka proposed resolution ni Board Member John Ismael Borgonia nga nagkondinar sa opisyal nga transport permit nga maoy makaingon sa pag mina og dolomite.
Gidugang ni Salvador, gi- request sa board ang presenya ni Alburo karong September 21, nga session sa Provincial Board aron makahatag og katin-awan sa maong isyu.
Ang lungsod sa Alcoy usa sa mga lungsod sa ikaduhang distrito nga ubos sa pagdumala ni Board Member Salvador.
Gipatin-aw ni Salvador nga nagpadayon ang international service ug local production sa dolomite ang gihunong.
Dunay 300 kapin ka mga trabahante sa minahan di sila gusto nga mawad-an og trabaho, matod ni Salvador.
Gikinahanglan nga proteksyunan sab ang environment ug kaluwasan sa mga minero.
Giklaro ni Salvador ang gusto ni Gov. Gwen Garcia masunod ang proseso pinaagi sa pakig-coordinate sa Kapitolyo ug Deparment of Environement and Natural Resources (DENR). Di gusto sa gobernador nga makulban og kaldero ang mga minero.
(efrenlonzon71@gmail.com ug 09235562777)