SUPERBALITA CEBU

PWD Athletes namaligya og burgers, french fries

DAGHAN ang naapektohan sa pandemiya nga miigo sa tibuok kalibutan ug usa na niini ang mga persons with disabilites (PWD) nga mga atleta nga nawad-an sa ilang panginabuhian sa pagsirado sa mga kompanya.

Sa pagsugod sa lockdown, gisugdan ni JP Maunes, ang executive director sa Philippine Accessible Disability Services (Pads) Dragon boat Team, ang usa ka food delivery business nga Dubby’s Ultimate Burgers.

Aron makatabang sa iyang mga miyembro sa Pads Team, gikuha niya ang mga wala’y trabaho isip trabahante sa maong food delivery nga nagtanyag og burgers, french fries ug uban pa.

Napulo ug walo ka PWD nga mga atleta ang iyang nahatagan og trabaho isip personnel ug delivery drivers.

Sa wala pa ang pagkuyanap sa coronavirus disease 2019 (Covid-19), ang Pads Dragon Boat Team mao ang labing inila nga PWD Team sa nasod.

Sila midaog og duha ka gold medals sa 14th IDBF World Dragonboat Racing Championship niadtong Agusto sa miaging tuig sa Pattaya, Thailand.

Ang maong kadaugan ang nagbutang sa team sa kasaysayan isip unang team nga midaog sa PWD category sa World Championships.

Aduna pa unta silay daghang national ug international races nga salmutan niining tuiga apan nakanselar tanan tungod sa pag-abot sa Covid-19 nga mipahunong sa tanang sporting events sa tibuok kalibutan.

Gisugdan ni Maunes ang burger business tulo na ka mga buwan ang milabay.

“Nagwork sa amoa ron ang mga walay trabaho kasagaran naapektohan sa layoff sa ilang kompanya,” saysay ni Maunes.

“Inspiring kaayo ug dako gyud siyag impact sa ilang pamilya kay na secure ilahang employment karon nga crisis.”

Matod ni Maunes nga ang panglantaw sa ilang bag-ong gitukod nga negosyo mao ang paghatag og economic empowerment sa PWDs.

Nanghinaot pud siya nga mosunod ang ubang kompanya ug mo-hire sila’g mga PWD sa ilang negosyo.

Sa pagkakaron, aduna nay mga regular kustomer ang Dubby’s Ultimate Burger. Nagpasalamat si Maunes sa mga kustomer kay mao kini ang usa sa nakapadasig kanila nga magpadayon.

“Our goal na mo-branch out ta sa ubang neighboring cities diri sa Sugbo. Daghan man nipakita og intensyon nga mo-franchise. Kung mahitabo ni malipayon mi kay daghan ma-generate nga trabaho sa PWD ug sa ilahang pamiya,” sigon ni Maunes.

Human sa tulo ka mga buwan nilang delivery service, moabli na gyud sa ilang unang branch ang Dubby’s Ultimate Burgers sa Mandaue City.

Pormal kining ablihan karong Septiyembre 26, 2020.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph