SUPERBALITA CEBU

Barrita: Tulubagon bisan sakyanan nabaligya na

244435

Tipik sa Balaod

DUNA pa bay tulubagon ang unang tag-iya sa sakyanan bisan pa kon iya na kining gibaligya o gidonar na niya ngadto sa laing tawo? Duna pa siya’y obligasyon kon ang registration sa maong sakyanan wa pa mabalhin ngadto sa ngan sa nakapalit o gihatagan niini.

Kon dunay mahitabong aksidente sa pagpadagan sa maong sakyanan nga moresulta sa kadaot sa kabtangan, lawas o may namatay, ang orihinal nga tag-iya di makapasalipod sa deed of sale o sa deed of donation kon ang rehistro niini anaa pa sa iyang ngan sa Land Transportation Office (LTO).

Sama sa kaso nga Equitable Leasing Corporation vs. Suyom (388 SCRA 445, G.R. No. 143360, Sept. 5, 2002). Hulyo 17, 1994, usa ka Fuso Road Tractor nga gimaneho ni Raul Tutor nabangga sa balay ug tindahan ni Myrna Tamayo sa Tondo, Manila. Niresulta kini sa multiple homicide, multiple physical injuries ug damage to property.

Sa pakisusi sa LTO, narehistro ang road tractor, mas naila nato nga prime mover, sa Equitable Leasing Corporation ug giabangan ni Edwin Lim, representante sa Ecatine Corporation. Abril 15, 1995, gikiha og danyos si Tutor, Ecatine ug Equitable. Nidepensa ang Equitable nga nabaligya na ang tractor ngadto sa Ecatine pagkahitabo sa aksidente ug si Tutor empleyado sa Ecatine, di sa Equitable.

Tuod, duna nay deed of sale tali sa Equitable of Ecatine, apan wa pa kini marehistro sa LTO. Wa pa mabalhin ang rehistro ngadto sa Ecatine. Ang Korte Suprema niingon nga sanglit ang sakyanan narehistro pa man ubos sa Equitable, liable ang Equitable sa danyos.

Matod pa sa Korte Suprema. “Since Equitable remained the registered owner of the tractor, it could not escape primary liability for the deaths and the injuries arising from the negligence of the driver.”

Gikutlo sa Korte Suprema ang ilang desisyon sa Erezo v. Jepte, nga nagkanayon, “The main aim of motor vehicle registration is to identify the owner so that if any accident happens, or that any damage or injury is caused by the vehicle on the public highways, responsibility therefor can be fixed on a definite individual, the registered owner.”

Gisaysay niini ang daghang mga kaso sa mga sakyanan nga nagdagan sa mga highway nga nalambigit og mga disgrasya nga niresulta sa pagkaangol sa mga pedestrian o nakabangga sa laing mga sakyanan apan wa mailhi ang mga tag-iya sa maong mga sakyanan ug si kinsa ang mga driver.

Mao kini ang gustong malikayan sa pagrehistro sa mga sakyanan. “It is to forestall these circumstances, so inconvenient or prejudicial to the public, that the motor vehicle registration is primarily ordained, in the interest of the determination of persons responsible for damages or injuries caused on public highways,” nagkanayon kini.

Busa angay gyud nga seguraduhon sa orihinal nga tag-iya sa sakyanan nga nabalhin na ang rehistro niini ngadto sa ngan sa nakapalit o gihatagan. (edbarrita@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph