TUNGOD sa sunodsunod nga reklamo sa opisina ni Cordova Mayor Teresa Sitoy-Cho labot sa daghang magtapok sa Centennial Road, nimando siya sa pagpabalhin sa food stalls sa bakante nga luna kon asa makapahiluna ang mga tindera sa ilang mga baligya aron makaglagyo.
Pinaagi sa information office sa lungsod, mipadayag ang mayor nga kinahanglan ma kontrolar sa daling panahon ang pagdagsa sa tawo sa lugar tungod posibleng magtakod na hinuon sa sakit nga Covid-19 tungod sa panagtapok sa dapit.
“I personally witnessed the alarming crowd at the centennial road over the weekend and some were not practicing the standard health protocols. This is prone of being infected with COVID-19, I called the attention of our local police to control the crowd,” matod sa mayor.
Gawas sa pagpabalhin, gi-dili na usab ang pag-dine-in. Kinahanglan ang tanan nga mo palit, take-out na ang paagi aron kalikayan ang pag pundo sa lugar.
Ang agianan labing dagsaon sa mga tawo sa buntag alang sa buot magpahayahay o mag-jogging.
Samtang sa gabii, modagsa ang daghang mga mo palit ilabi na nga anaa lang sa daplin ang mga tindahan sa klase-klaseng pagkaon.
Aron masiguro nga dili na mataptan sa sakit ang ioyang mga konstituwente, gimandoan usab ni Cho ang mga barangay kapitan sa pagsusi sa tourism activities sama sa Bakhawan Paradise ug ubang jump off areas sa pagsiguro nga nasunod ang estriktong health protocol. (ANV)