Mga medical expert konsultahon sa mga Garcia

■ MOKUNSULTA: Sila si Gobernador Gwendolyn Garcia ug Kongresista Pablo John Garcia mokonsulta og medical experts aron pagtino kon duna bay angay manubag sa kamata­yon sa ilang duha ka mga igsuon nga sila si kanhi Dumanjug mayor Nelson Garcia ug Barili Mayor Marlon Garcia. ( video grab gikan sa Sugbo News)
■ MOKUNSULTA: Sila si Gobernador Gwendolyn Garcia ug Kongresista Pablo John Garcia mokonsulta og medical experts aron pagtino kon duna bay angay manubag sa kamata­yon sa ilang duha ka mga igsuon nga sila si kanhi Dumanjug mayor Nelson Garcia ug Barili Mayor Marlon Garcia. ( video grab gikan sa Sugbo News)

MOKUNSULTA una sila si Cebu Governor Gwendolyn Garcia ug Kongresista Pablo John Garcia sa mga eksperto aron pagsusi sa giingong kadudahan nga hinungdan sa kamatayon sa ilang duha ka mga igsuon.

Mao kini ang pasiunang lakang sa pamilyang Garcia aron paghatag og hustisya sa pagkamatay nila ni kanhi Dumanjug mayor Nelson Garcia ug Barili Mayor Marlon Garcia sa unang semana sa Septiyembre.

Gilaraw sa mga Garcia nga posibleng mopasaka og tukmang kaso o reklamo ang pamilya batok sa mga responsable kon mapamatud-an nga dunay kalapasan ang mga doktor o ospital sa hitabo.

Atol sa press conference sa Kapitolyo sa Septiyembre 17, gisaysay nila ni Gobernador Garcia ug Kongresista Garcia ang nadangatan sa ilang mga igsuon sa dihang nahibaw-an nila nga nag positibo kini sa coronavirus disease (Covid-19).

Gituohan nga nakuha nila ang kagaw sa usa ka event nga gitambongan sa pamilya pipila ka adlaw sa wa pa ang launching sa tourism activity sa lungsod sa Barili.

“But I dont really think my brothers really rest in peace because there are questions to be answered. Not to bring them back to life, dili naman mabuhi og balik si Nelson, dili na. Gilubong na man gani namo, pero maayo nalang nga kon among makab-ot ang tubag sa among mga pangutana, basin na lang og masayran ang publiko ani. Daghan pa ang kinabuhi ang masalbar, daghan ang mga igsuon nga masalbar, amahan, anak. So this is why we will not rest until we find our answers,” matod ni Gobernador Garcia. Sa Agusto 6,

gipahibaw sa gobernador nga nataptan sa Covid-19 si Marlon samtang sa susamang semana nasuta usab sa samang sakit si Nelson.

Apan giklaro niya nga di Covid ang namatyan, kon di pneumonia nga mi komplikar human nga naka-recover sa Covid-19.

Sa susamang higayon nag positibo usab sa Covid si Kongresista Garcia, anak ug asawa ni Marlon.

Apan gikatingad-an sa pamilya nganong wa magrabehi si Kongresista Garcia nga nipili pagpahuway sa iyang panimalay, dungan sa pag-inom sa recommended nga mga tambal ug steam inhalation.

“As of now we are asking questions and yes will ask experts to weigh in, to look at the medical records. To look at the treatment given to our brothers kay pareha man gud kaayo ang nahitabo nila. Same team of doctors, same treatment given, same hospital, same ICU. Unya pareha man na ilang progression ug pagkamatay sa Covid ug ang ilang pag deteriorate ug ilang pagkamatay, there is a pattern,” matod ni Kongresista Garcia.

Sa kinatibuk-an nga pag-istar sa magsuon sa hospital, niabot og di mo menos P8 milyones ang bayranan niini.

Bisan pa niini, wa gihapon masalbar ang kinabuhi sa duha ka mga pasyente.

Hinungdan nga nahimong lisod usab sa pamilya ang sunod-sunod nga hitabo, ilabi na ang pagpahibaw sa ilang amahan nga si kanhi gobernador Pablo “Pabling” Garcia.

“Kahibaw mo si Marlon naa sa hospital, I had not one peaceful moment. Nagsige og kuba akong dughan, di ko katug og tarong, I was even scared for myself mo lower akong immune system, di ko katug, di ko ka kaon. It’s not easy unya karon mao ra diay dangatan after one month nga nituo mig maayo sa mga medical experts, mao ray dangatan,” matod ni Garcia.

Tungod sa hitabo, buot sa pamilya nga kapanaminan sa mga Sugboanon ang sunod sunod nga panghitabo kanila. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph