SUPERBALITA CEBU

Turismo buksan ubos sa higpit nga protocol

GIKATAKDANG buksan na sa dakbayan sa Lapu-Lapu ang ilang turismo sa mga residente sa Metro Cebu ug sa Probinsya sa Sugbo.

Kini ang gipahibawo sa kagamhanan sa Lapu-Lapu, apan sa pagkakaron, gipanday pa ang lagda og health protocol.

Subay niini, gitigom ni City Tourism, Cultural, Historical Affairs Commission (TCHAC) chairperson Cindi King-Chan ang stakeholders niadtong Septiyembre 14 alang sa pagpangandam sa coastal clean-up karong Septiyembre 19.

Ang naasoyng kalihukan gipasiugdahan sa kagamhanan aron masigurong limpyo ang kadagatan sa dakbayan sa mga dumuduong sa higayon nga ablihan na kini.

Gawas sa pagsigurong coronavirus disease 2019 Covid-free ang motorbanca operators, boatmen ug dive shop owners pinaagi sa pagpaubos kanila sa swab testing.

Atol sa panagtigom usa sa gisugyot sa TCHAC mao nga kinahanglan ang mga turista sa dakbayan adto lamang magpa-book sa mga boatmen, operators ug dive shop owner nga adunay accreditation ID sa kagamhanan sanglit nakasiguro sila niini nga mga Covid-free human gipaubos na sa swab testing, sumala pa sa executive secretary ni Lapu-Lapu City Mayor Junard Chan nga si Atty. Ailee Tejano.

Dugang ni Tejano, ang tanan usab mag island hopping sa dakbayan kinahanglan adto lang sa Kontiki Port sa Barangay Marigondon, Hilton Wharf sa Baragay Punta Engaño ug Angasil Port sa Barangay Mactan mosakay ug monaog aron masigurong matuman ang health ug safety protocol.

Sa pagkakaron, wala pa mahan-ay ang tanan bugtong mga taga Lapu-Lapu lang una ang mahimong makaligo sa kadagatan sa dakbayan.

Mahimo lang makaligo ang dili residente sa dakbayan kun nakapa-book kini sa mga resort ug hotel nga gitugotan na sa dakbayan nga maka operate base sa Section 7-F5 sa executive order (EO) nga gipirmahan ni Chan niadtong Septiyembre 2.

Nalatid usab sa Section 10 number 7 nga ubos sa modified general community quarantine (MGCQ) mahimo ra ang pagbiyahe apan alang sa tourism activities. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph