Dear Papa Joe,
Ako diay si Lira, 15 anyos. Ang akong suliran kay mahitungod sa akong mama.
Kining akong mama man gud iya ko ipanabi nga wa kuno koy ayo pagka anak kay tapulan ug way maayong resulta sa pagtungha. Kini akong mama nagminyo ni siya og usab ug may anak na.
Karon sige ko niya sugo halos way pahuway kay akoy pabantayon sa bata unya siya sige og tabi sa mga silingan. Kinsa man sad makaeskwela tarong nga di man ko halos pabawnan kay di sad mohatag iyang bana nako kay di kuno ko iyang anak.
Mao karon naa ko sa akong iyaan nag puyo pero di sad lalim kay maikog ko mao nga mura sad ko og katabang diri. Sakit kaayo akong gibati nga way ginikanan nagpakabana nako. Unsa may buhaton ko? Palihug tambagi ko.
LIRA
Lira,
Day, utong lang sa kay makalabang ra ka anang pagsuway nimo kon magpakalig-on lang ka. Naa gyuy mga ginikanan nga ing ana pero mao lagi, bisan unsaon ginikanan man.
Puno siguro ka sa pagsuway ron pero kon magpakalig-on ka siguro ko nga dakong kalipay ug grasya maangkon nimo puhon. Ang imong na experience sa imong ginikanan usa sa paagi nga di gyud ka pataka og sud og relasyon kon di ka andam both mahimong asawa o inahan. Kana lang ug ampo kanunay.
Papa Joe