SUPERBALITA CEBU

Lakers inilog

■ BITUON SA LA: Si Lebron James ug Anthony Davis maoy saligan sa Los Angeles Lakers sa ilang misyon nga kuhaon ang NBA title. (AP)

HATAGAAN og mas taas nga playing time ang bigmen nga si JaVale McGee ug Dwight Howard sa Los Angeles Lakers aron gamiton sa pagpugong kang Nikola Jokic sa Denver Nuggets sa NBA Western Conference Finals.

Sa ilang pagbalik sa Western Conference Finals sa unang higayon human sa post-Kobe Bryant era, ang 16-time NBA champion Lakers maoy inilog nga modaog sa best-of-seven series batok Nuggets sa DisneyWorld, Orlando.

Matod sa Draftkings Sportsbook, ang Lakers mao ang paborito sa betting odds nga adunay -625 nga money line samtang ang Nuggets adunay +450.

Ang head coach sa Lakers nga si Frank Vogel nagtuo nga usa sa yawi mao ang pagpugong sa All-Star Serbian Jokic, kinsa yanong mipupo og three-double sa Game 7 batok sa Los Angeles Clippers.

Matod ni Vogel nga si Jokic nga adunay monicker nga “Joker” usa sa mga unique nga players nga miduwa og center position sa NBA kay maka-iskor kini bisag asa ug maayo pud mopasa.

Si McGee ug Howard wala mahatagi og taas nga playing time sa Western Conference semis batok Houston kay migamit man og “small-ball” basketball ang Rockets.

Ang higanteng si McGee ug Howard nakaduwa lang og 23 minutes combined playing time sa uwahing upat ka duwa sa Lakers sa conference semifinals.

“It does make this series a little different -- a lot different, actually -- in terms of how much we’ll use our centers. I don’t want to get too much into detail, but obviously we’re going to be the L.A. Lakers, who we’ve been all year. We adjusted to a small-ball team last series, but I would expect us to return to form,” saysay ni Vogel.

Sa ilang pagkigbatok sa Nuggets, ibalik sa Lakers ang ilang stratehiya nga maoy gabutang kanila sa No.1 seed nga adunay 52-19 win-loss record sa regular season.

Matod ni Howard nga importante ang pagmintinar sa ilang energy level aron maayo ang duwa sa team bisan paman nga layo sila sa ilang pamilya niining panahon sa pandemiya.

Ang Nuggets mao ang pinakainit nga team karon sa NBA human sila makabuhat og duha ka come-from-behind series win batok sa Utah Jazz ug Clippers.

Bisan paman uwahi sila sa odds, ang Nuggets nagpabiling delikado nga kontra alang sa Lakers nga pwedeng maka-suprisa kanila ug sa bisang kinsang NBA teams.

Gibuhat kini sa Nuggets sa ilang duha ka playoff round matchups batok Utah Jazz ug Clippers, diin mibangon sila sa 3-1 deficit aron daogon ang series sa Game 7.

“(They) Gotta worry about us too,” matod ni Jamal Murray sa Los Angeles Lakers.

“We’re not gonna go in there and think about them. It’s gonna be a long night for us. We just need to go out there with efforts, and having fun. It’s simple for us,” pasabot ni Jokic.

Ang Lakers ulahing nakasulod sa Western Finals niadtong 2010 batok Phoenix Suns. Niadtong tuiga ang Lakers maoy nahimong kampiyon human nila gilupig ang Eastern champion Boston Celtics sa NBA Finals.

Samtang ang Nuggets uwahing nakaabot sa West Finals niadtong 2009 og gitagak sila Lakers sulod unom ka duwa.

Ang Game 1 sa Western Conference Finals sugdan karong Sabado, Septiyembre 19 (PH time). (RSC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph