LIOG sa usa ka mananggiti giabis sa iyang silingan atol sa ilang panagtagay niadtong Huwebes, Septiyembre 17, sa alas 5:30 sa hapon sa Barangay Dalahikan, lungsod sa Samboan.
Si Nemesio Bilonoac, 47, minyo, mag-uuma, manangiti sa maong dapit naka-survive sa iyang fatal nga samad tigbasan sa agtang, sa ingon man inabisan sa iyang liog og tangkugo.
Si Marcelino Rocaberte, hingkod ang panuigon mag-uuma nasikop sa pagka Biyernes, Septiyembre 18, sa alas 8:00 sa buntag human mitahan sa ilang Barangay Konsehal nga maoy mitunol sa suspek ngadto sa kapulisan.
Si Police Chief Master Sgt. Beethoven Rocamora, Jr., imbestigador sa Samboan Police Station nga nahinabi sa Superbalita Cebu, nagkanayon nga ang biktima g suspek uban sa ilang mga silingan higala nagtagay kini sa terrace sa panimalay ni Dominador Catubig.
Samtang nalingaw sila, kalit lang giilog sa suspek ang sangot sa biktima nga iyang gitakong dayon, abis liog paingon sa tangkugo.
Nakakisikisi ang biktima, giusban sa pagtigbas diha sa iyang agtang hinungdan sa pagkapahak.
Wala pa kini matagbaw gitigbas ang biktima kinsa nakalihay naigo ang iyang paa.
Human niini misibat ant suspek ang biktima nadala sa tambalanan sa lungsod sa Maluboyoc, diin luwas na ang kahimtang niini.
Matud pa ni PCMS Recamora, nga wala mag-away ang biktima og ang suspek ug nagtuo sila nga misugmat ang problema sa dili maayong pangisip niini.
“Nalingaw pa gani silag estorya kalit man daw siyang gides-armahan gikuha ang Sangot nga gitaking sa hawak, unya gidiretso sa pag abis iyang liog,” dugang sa biktima ngadto kang PCMS Recamora.
Ang suspek nipadayag nga wala siya masayod sa iyang gibuhat tungod sa iyang kahubog.
Kasong frustrated murder ang giandam sa kapulisan nga ipasaka batok suspek nga gitanggong karon sa kapulisan sa Samboan. (GPL)