SUPERBALITA CEBU

Binghay: Angay likayan na kung may arthritis, rayuma, gout

Kukabildo

NAGTUO ko nga kining beans sama sa monggos o mga nuts sama sa peanuts maoy makaingon sa sakit nga arthritis, rayuma o gout.

Kini mga saki-sakit sa lukonlukon o joints nga nagsumpay sa atong kabukugan hangtod nabasa nako kining artikulo sa Pinoy Health Tips nga naghisgot sa mga kumon nga sakit sa mga edaran.

Ang arthritis mao ang paghubaghubag sa mga kasukasuan unya ang tawag ini sa uban rayuma. Di lang kaunuran o muscles apil kabukugan, og kaugatan ang maapektuhan ini.

Wa pay tambal nga nakatutok para ini kay puro ra sa pagka karon pawala sa sakit nga gibati ang ipang resita sa mga doktor aron maalibyuhan ang kondisyon. Wa pa say perpektong diet pagkontra ini apan dunay mga tips sama sa mga pagkaon nga angay likayan aron di mosamot ang sakit nga gibati.

Angay likayan gilayon ang pagkaon og mga pinirito labi na tong taas og cholesterol ug processed foods sama sa mga de lata, bacon, sausage, hotdog, chorizo nga dunay daghang mga sagol nga preservatives ug uban pang kemikal nga makapasamot sa arthritis. Kung limitahan ang pagkaon ini, dako ang posibilidad nga di na kaayo maghubag-hubag ang joints.

Sunod kining pagkaon nga gikan sa gatas sama sa dairy products kay kasagaran ini dunay protein nga gitawag og ‘casien’ nga maoy mopagara sa mga tissues nga nag-alirong sa atong kabukugan ug kasukasuan.

Kini sab diay nga mga utanon: Talong, kamatis og patatas mokapasamot sa ka ngolngol ug pamurot kay duna man kini mga compounds nga makapasamot sa paghubag-hubag sulod sa lawas.

Lain sab kining asukal. Ang subra ka tam-is nga pagkaon o daghang asukar makapasamot sab sa hubaghubag.

Ang pag-inom sa ilimnong makahubog og ang pagpanigarilyo kuyaw sab nga mopa-ingon sa rheumatoid arthritis kun gout.

Katapusan kining pagkaon og puwang karne (red meat),ma baka o baboy, kay daghan kini og saturaded fats o ‘bad fats’ nga makapasaka sa cholesterol sulod sa lawas unya mopaingon sa pagpang hubaghubag.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph