SUPERBALITA CEBU

Albor: Ampingan ang bungtod

Sandiganan

ARON dili masuko ang kinaiyahan, hugot nga idili ang pagpang kobkob ug minerales ilawom sa yuta. Dili kabkabon ang balas ug graba sa kasapaan. Dili ipaputol ang kakahoyan nga dakog ikatampo sa kalikopan. Ampingan ang bungtod nga ginama sa kahitas-an. Kon dunay maligsan sa kalamboan tamdan ang balaod aron walay maalaot ug maapektohan.

Sa small scale mining kutob sa lima ka ektarya ang City Environment & Natural Resources Office (Cenro) ug Provincial Environment and Natural Resources Office (Pendro) maoy mohatag og permit sa pag-quarry. Sobra sa lima ka ektarya ang Mines and Geosciences Bureau (MGB) maoy mohatag og permit sanglit naglabi ang mineral regulations.

Sa environmental impact maoy mohatag og permit ang Environmental Management Bureau (EMB). Department of Environment and Natural Resources (DENR) maoy payong sa MGB ug EMB. Papel sa Local Government Units (LGU) ang pag-isyo og business permit. Panahon ni Gov. Junjun Davide ang Penro nakatugyan og 35 ka quarry permits nga duha sa Talisay, duha sa Minglanilla, pito sa Naga, duha sa San Fernando, duha sa Argao, usa sa Dalaguete, tulo sa Alcantara, upat sa Consolacion, duha sa Compostela, duha sa Danao, duha sa Carmen, usa sa Tabogon, duha sa Medellin, duha sa Pinamungajan ug usa sa Asturias. Wala pay labot sa sand and gravel extractions nga nakapakimba sa kasapaan.

Ang Cenro duna say gitugotan sa quarry operations sa siyudad sa Sugbo.

Ang Pugalo, Alcoy naila nga country’s largest dolomite quarry. Matang sa bato nga gigaling maoy giplastada sa gipatahom nga Manila Bay. Oceana moinbestigar kay walay impact assessment nga makamugna og pulyosyon. Midason ang DOH nga makadaot ang abog sa gipulpog nga dolomite apan gibakwi nunot sa pamahayag sa DENR nga luwas sa panglawas.

Si Gov. Gwen Garcia mipakanaog og cease and desist order batok Dolomite Mining Corp. ug Phil. Mining Service Corp. sa Alcoy nga hunongan ang operation aron kalikayan ang pagkagusbat sa kalikopan ilabina nga poloy-anan sa mga siloy. Gawas nga walay pananghid o koordinasyon sa kapitolyo dakong kalapasan sa Phil. Environmental Laws maong paninglan ug kasohan. Kaso ipasaka sab batok MGB 7

Pebrero 17, 2006 nahunlak ang bukid sa Guinsaugon, Saint Bernard, Southern Leyte 1,126 ang patay gumikan nsa kinobkobay sa bulawan. Sept. 15, 2018 landslide sa Itomog, Benguet 81 patay, 59 missing gumikan sa small scale mining. Sept. 20, 2018 midahili ang bukid sa Tagaytay, Tinaan, Naga 63 patay, 28 missing gumikan sa pagmina.

Agusto 2020 naghugno ang bato ug yuta sa Agsungot gumikan sa pag-quarry sa pikas bungtod. Gikataho ra ba nga dunay quarry sa bukiran nga ilegal kay walay permit.

(csa_1156@yahoo.com / 09064648954)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph