SUPERBALITA CEBU

Nadela: Labyog sa bukid sa Ga-as

Asoy Ni

NAKALABYOG ko sa Barangay Gaas, sakop sa lungsod sa Balamban sa nakalabay nga Martes. Tayming kay di maayo ang panahon, ang akong higalang Josenian nga si Wilbert Noel way kompiyansa nga nisungasong sa ka baga sa gabon nga nihabol sa tibuok Trans Central Highway.

Mao say naka nindot sa maong dapit kay kung dautan ang tiyempo moduyog sab pagpanganawkanaw ang usa sa bahandi sa kinaiyahan nga mao ang gabon. Pagka nindot tan-awon sa gabon nga daw nibabag sa imong agianan. Gabon nga niputos sa berde nga kabukiran samtang nagpadayon ang pagbunok sa ulan. Ang imoha ra gyud nga obligasyon isip motorista mao ang pagtamod sa tanang rekisitos sa gitawag nga defensive driving.

Pag-abot namo sa Ga-as, subli nakong nahanduraw ang katahom sa kinaiyahan ingon sa way sama. Una nakong nasulti ni Wilbert pagkanaug namo sa sakyanan, “may coronavirus kaha ning dapita nga hilabihan mang bugnawa?” Bitaw mas delikado si corona kung tingtugnaw.

Pero ang makabibihag nga Wow! Alejandra (gitawag ni kaniadto og Buwakan ni Alejandra nga giputos sa nagpangamay nga han-ay sa nagkadaiyang klase sa mga buwak, murag nakalimot ko nia pa ta sa panahon sa pandemya. Dako na kaayo og kausaban ang harden sa liboan ka klase sa mga bulak.

“Sa nakalabay nga mga bulan samtang naglock down ta, among gibuhos ang among oras pagpanindot sa atong barangay. Mao nga sa mga nakabisita na dinhi masurprisa gyud mp sa inyong pagbalik. Ug sa mga wala pa maka-ari, suroy mo pohon, siguradong malingaw gyud mo,” asoy ni Kapitan William Genel nga busy kaayong nag-atiman sa iyang mga bisita nga sakop sa PNP nga nadistino sa iyang barangay.

Bitaw, di gyud mabintahaan ang Ga-as kong suroy, kaon ug katulog ang imong tuyo kay daghan ka og kapilian. Salamat sa mga stakeholders sa ilang suporta. Usa sa gipangandaman karon mao ang Harang Festival nga ipahinungod sa kapistahan sa ilang Patron nga si St. John Paul II, karong Oktubre 22.

Pastilan nganong giuna man nang isyu sa metrosan. Pamub-an o dili ang distansiya sa mga pasahero sud sa mga bus ug modern jeepney, para nako dili maoy unahon og tuki. Ang nangatanggong nga mga pasahero palihug maoy unahon nato sa paghatag og pagtagad.

Awhag sa mga pasahero, dungagi pa ang gidaghanon sa mga bus. Luoy kaayo nang nagpaabot og masakyan daplin sa karsada nga wala manukad sa Bulacao. Ang taga Kinasang-an, Basak, Tagunol, Tabada, Mambaling ug C. Padilla di na kasakay kay sa Bulacao ug Pardo pa lang puno na mang daan. Wa pa gani labot niini ang taga Norte.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph