GIAPRUBAHAN sa Games and Amusement Board (GAB) ang pagtukod sa labing unang professional nga torneyo sa chess sa Pilipinas nga gitawag og Professional Chess Association of the Philippines (PCAP).
“We are very happy. Despite the pandemic, the GAB is growing,” matod ni GAB chairman Abraham Mitra nga napatik sa www.gmanews.tv.
Ang PCAP maoy ikatulong torneyo nga gihatagan og professional status atol sa quarantine period sunod sa Chooks-to-Go Pilipinas 3x3 ug National Basketball League (NBL).
Sa artikulo nga naka-post sa Asian Chess Federation website, asoy ni PCAP founding commissioner Atty. Paul Elauria nga usa kini ka dakong kalambuan sa chess sa nasod.
“We want to elevate the status of our chess players and make them level with other professional athletes,” matod niya. Kapin sa 10 ka teams ang kompirmadong mosalmot sa liga. (ESL)