WALANG Hanggang Paalam” sa Kapamilya channel ug Kapamilya online live sa September 28 na, gikan sa Dreamscape production!
Bida silang Angelica Panganiban, Zanjoe Marudo, Arci Muñoz ug Paulo Avelino niini.
Sa trailer pa lang nga gipakita usa ka ma-aksyon ug drama ang atong manuntan dinhi nga sugilanon.
Kon wa ko masayop manag-ex na ang bida dinhi nga silang Angelica ug Paulo ug ang present nilang partner silang Zanjoe ug Arci na.
Apan tungod sa nahitabo sa ilang anak nahimong close ug nagkasinabot sila og balik para maluwas lang kini.
Unsa na kahay mahitabo sa present love interest nila nga silang Zanjoe ug Arci? Unsa kahay mahitabo sa anak sa mag-ex?
Daghan pang mga kumplikadong eksena ang atong makita dinhi, base lang sa trailer may aksyon ug drama nga panghitabo dinhi.
Makauban nilang Angelica, Paulo, Arci ug Zanjoe dinhi silang Tonton Guttierez, Jake Cuenca, JC Santos, McCoy de Leon, Lotlot de Leon, Ronnie Lazaro, Mary Joy Apostol, Vic Silayan, ug Cherry Pie Picache.
Ang “Walang Hanggang Paalam” hatod kanato sa Dreamscape production ug sa direksyon nilang Emmanuel Palo ug Darnel Villaflor.
Inyo ning manuntan human sa seryeng “Ang Sa Iyo Ay Akin” nilang Jodi Sta Maria ug Iza Calsado sa Kapamilya Online Live, Ay’g Saba!
* * *
Sa laing bahin mao diay unta kini ang serye nga ubanan nilang Nadine Lustre ug Julia Montes.
Mao unta kini ang mahitabong pagbalik ni Julia sa teleserye ug ang unang higayon ni Nadine nga dili si James Reid ang makapareha sa serye.
Apan tungod sa mga daghang panghitabo wala madayon ang duha ug gihulipan kini nilang Angelica ug Arci, Ay’g Saba!
* * *
Unsa katinuod nga mabdos ang Janella Salvador sa uyab niining si Markus Paterson?
Daghan man gud ang nakurat sa mga na post ni Janella sa instagram, sa iyang mga pamahayag makahunahuna ka nga mabdos kini.
Apan wala pa ni kasiguro-an kay wala pa may konpirmasyon ang manag-uyab, atong mahibawan ang tinuod sa umaabot nga panahon, Ay’g Saba!
* * *
Daghang mga bag-ong programa ang atong mahimong manuntan sa TV5 ug dinhi magpunsisok ang mga artist sa Kapamilya network.
Una ang Sunday noontime variety show nilang Piolo Pascual ug Catriona Gray sa direksyon ni Johnny Manahan.
Gawas niini naa pay “Laugh Out Loud” ang noontime show nga produce ni Johnny Manahan.
Makita sab nato dinhi silang Billy Crawford, Alex Gonzaga, K Brosas ug Wacky Kiray, asa na diay si Luis Manzano nangutana lang ko?
Daghan pang mga programa diin ang mga talent sa Kapamilya network ang atong manuntan dinhi sa TV5, may mga sitcom, serye, variety show ug talk show atangi, Ay’g Saba!