NIKULIT og kasaysayan si Giannis Antetokounpo sa Milwaukee Bucks human iyang nalangkat ang ikaduhang NBA MVP sa sagunson nga season.
Nakuha usab niya ang Defensive Player of the Year award.
Ang 25 anyos nga si Antetokounmpo maoy ikatulong magduduwa aa NBA nga nakalangkat sa samang pasidungog human nilang Michael Jordan ug Hakeem Olajuwon.
“Michael Jordan, one of the best players who’s ever done it, if not the best...Hakeem, a guy that I look up to, he came from where I’m from, Nigeria, where I have roots. Just being in the same sentence with them, that means a lot to me.” padayag ni Antetokounmpo
Ang superstar gikan sa Athens Greece nakakuha og 85 votes gikan sa 100 person panel sa global sports writers, broadcasters kinsa maoy ni-cover sa NBA.
“It feels good to get this award announced when I’m back home. I’m going to ship it to Greece,” padayag niya sa trophy nga iyang nadawat gikan kang NBA Commissioner Adam Silver.
Si Lebron James sa Los Angeles Lakers kinsa maoy runner up igo lang nakakuha og 16 votes ug si James Harden sa Houston Rockets maoy ikatulo kinsa maoy top 3 sulod sa na upat ka season.
Ang superstar sa Lakers nadismaya sa iyang 18 first votes nga nakuha gikan sa mga sports writer ug broadcasters.
“It pissed me off because out of 101 votes, I got 16 first-place votes. That’s what pissed me off more than anything. Not saying the winner wasn’t deserving or anything, but that pissed me off,” padayag ni Lebron.
Si Giannis nag-average og 29.5 puntos ug 13 rebounds ug gipakapinan og 5.6 assist per game sa karon nga season nga maoy naghatod kaniya sa himaya sa MVP. (PAC)