SUPERBALITA CEBU

Migallen: Katapusang hunat sa Boston Celtics?

Taym pa

KON dunay team nga maingon nato nga nakapangandam og maayo ning playoff, dili nato masalindot ang Miami Heat.

Kini tungod kay duna silay daghang putahi nga sarang ikadalit ngadto sa ilang mga kontra.

Sa pagkatinuod lang, wa kaayo ko masurprisa sa kadaugan sa Miami Heat sa Game One batok sa Boston Celtics sa ilang Eastern Conference Finals niadtong Miyerkules (Martes didto sa US).

Kini tungod kay nakapahuway man lagi og sakto ang Heat human nila nadispatsar ang highly-favored Milwaukee Bucks, 4-1, sa second round sa playoff, samtang ang Boston muna sa ginhawa pang mingdaog batok sa defending champion Toronto Raptors sa laing semis match, 4-3.

Pero sa Game Two niadtong Biyernes dako nakong ka surprisa kay nabali na man hinuon ang dagan sa duwa.

Ang mga beteranong Boston nga adunay igong eksperiyensiya sa finals gilupig man hinuon sa diskarte sa mga batan-ong Heat.

Dako akong pagtuo nga sa dihang naglabaw ang Boston og 13 puntos human sa first half, 60-47, everything goes well with the Celtics kay nakapakita man sila sa ilang eskperiyensiya.

Human sa 31-28 nga labaw sa first quarter, ang Celtics mipaulbo og 29 puntos sa second quarter ug ilang nalimitahan ang Heat ngadto sa 19 puntos lang.

Pero diha sa third quarter misugod og kalabad ang ulo ni Boston coach Brad Stevens sa dihang migamit si coach Eric Spoelstra og 2-3 nga zone defense..

Kining maong depensa wala mabantayi o ma scout sa Celtics tungod kay tagsa ra man kaayo ni gamiton sa Heat.

Gani sa unang duha ka round sa playoffs, batok sa Indiana Pacers kinsa yano ra kaayo nilang gipalagpot (4-0) ug sa highly-favored Milwaukee Bucks (4-1), wala gyud kini nila gamita.

Pero sa Game One batok sa Celtics, 16 ka higayon nga nag-zone ang Heat ug sa Game Two 32 ka posisyon kini nila gigamit, 29 niini diha na sa second half.

Kining maong adjustment nasuta ni coach Spo nga epektibo kaayo kay ang presensiya sa iyang bigmen nga si Bam Abedayo ug Duncan Robinson sa ilawom nga bahin dako na kaayong babag o makapausab sa direksiyon ni bisan kinsa man sa Boston ang molusot.

Kini maoy rason nga 14 puntos ray nahimo sa Boston sa ilawom sa second half.

Ang laing bigman nga si Jae Crowder, bisan tuod og anaa siya dapit sa three-point area modepensa, apan mokolapso siya paingon sa ilawom aron moreinforced nila ni Abedayo ug Robinson.

Tuyo usab ni coach Spo sa zone defense aron ma nutralized ang mga outside shooters sa Celtics ug mapugos sila sa pag penetrate sulod sa shaded area.

Dili man tuod nato ikasalikway ang kalantip nila ni Jayson Tatum, Marcus Smart, Jaylen Brown ug Kemba Walker pero daw og sa nawala ang ilang coordination sa second half nga mora og nataranta sila sa depensa.

Bunga niini mao mga miscommunicationpass, turnovers nga nakahatag usab og duha ka krusyal nga steals ni Jimmy Butler sa himatyong minutos nga maoy nag-iwag sa kadaugan sa Heat.

Kon padayon nga mosabay ang Celtics niining pasurprisang putahi sa depensa sa Heat, bisan pa siguro og makaduwa na og balik si Gordon Hayward sa Celtics, tingali baya og maseruhan hinuon sila sa series.

Sayod si coach Stevens niini, ug sayod usab siya nga ang paggamit sa ilang speed maoy usa sa solusyon aron dili makaporma ang depensa sa Heat ngadto kanila.

Well see kon unsay mahimo niining katapusang hunat sa Celtics, kay wa pa ra bay team sa NBA nga midaog sa series human maunhi sa unang tulo ka duwa. (jun.migallen22@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph