Super Blowout: Gasa nga wa damha

BUNYAG: Kalipay ang makita sa panagway nila ni Melchor Abangan ug Aileen Abasolo human mabunyagi ang ilang anak nga babaye sa Sto. Tomas de Villanueva Parish sa Barangay Poblacion Pardo, siyudad sa Sugbo. Ang bata ginganlan nila og Mary Galadriel Helaena Abangan. (Tampo)
BUNYAG: Kalipay ang makita sa panagway nila ni Melchor Abangan ug Aileen Abasolo human mabunyagi ang ilang anak nga babaye sa Sto. Tomas de Villanueva Parish sa Barangay Poblacion Pardo, siyudad sa Sugbo. Ang bata ginganlan nila og Mary Galadriel Helaena Abangan. (Tampo)

MATAG adlaw, makadawat og gasa ang mga tawo gikan sa kahitas-an. Gasa nga wa damha apan moabot sa kinabuhi sa tawo.

19 na ka tuig ang nakalabay dihang gihimugso ni Aileen Abasolo ang iyang ikaduhang anak niadtong 2001.

Siya nag-edad pa lang og 18.

Niadtong Mayo 29, 2020, nadawat ni Aileen ang laing gasa gikan sa langit, ang iyang ikatulong anak. Nanganak siya sa Vicente Sotto Memorial Medical Center (VSMMC) pinaagi sa normal delivery.

“I consider my baby an unexpected gift from heaven because I did not expect I’d still conceive given my age, my health condition and I was decided back then not to start again from scratch because life is hard considering my experience as a single mom of 2 for 16 years,” matod sa 37 anyos nga inahan.

Sigon ni Aileen naka-survive gyud ang iyang anak bisan og naa siyay myoma. Duha ka bukol ang nitubo, usa kay 12 sentimetros ang gidak-on ug ang laing usa kay 6 sentimetros.

Walo ka buwan pa lang ang bata dihang kini natawo.

Kini nitimbang lang og 1.4 kilos. Tungod niini, nagpabilin kini sa VSMMC sud sa 23 ka adlaw. Matag adlaw, hatdan kini og gatas ni Aileen subay sa protocol sa ospital.

Katambayayong ni Aileen karon ang iyang partner nga si Melchor Abangan, 38, ang amahan sa iyang ikatulong anak.

Niadtong Septiyembre 2, 2020, gibunyagan ang bata sa pangan nga Mary Galadriel Helaena Abangan sa Sto. Tomas de Villanueva Parish sa Barangay Poblacion Pardo, siyudad sa Sugbo.

Gumikan sa iyang myoma ug kadelikado sa iyang kahimtang, gipapahuway una si Aileen pinaagi sa bed rest sa unang mga semana sa iyang pagsabak.

Pinaagi sa kanunay nga pag-ampo ni Aileen uban sa iyang mga minahal sa kinabuhi, maayo ang kahimtang niini sa pagpanganak.

Si Mary Galadriel Helaena buhong sa pagmahal ug pagpangga sa iyang kuya ug ate nga sila si Ray Dominic Abasolo, 20 ug Jolyana Kirstin Abasolo, 19.

Ang igsuon ni Aileen nga si Sister Jennifer Abasolo, usa ka Dominican sister, ang naghatag sa pangan nga Mary samtang ang Galadriel ug Helaena kay gikuha nila ni Aileen gikan sa mga salida nga Lord of the Rings ug Helen of Troy. (SCG)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph