KARONG panahon sa pandemic, duna koy mga higala nga na interest sa pagpalit og biseklita. Ilang gipangita kanang barato ug maayo og klase. Maora sab og ako kaniadto nga maayo og klase akong gipangita, apan kanang barato.
Nagsige ko og canvass sa bike shops. Gimahalan na ko sa tag P5,000. Aron ko makaseguro, dihay higayon nga nagpakuyog ko sa akong duh aka mga higala nga sila si Bambam Gacko, nga toa na sa Canada uban sa iyang asawa ug anak ug Alinton Adolfo, kanhi artist namo sa Sunstar.
Ilang gi-recommend ang tag P3,000 nga frame sa akoa. But gimahalan ra kong gahuna-huna. I end up buying an P8,000 built bike sa Welson bike shop. Ang nahitabo? Nigasto ko og P10,000 alang sa minor upgrade. Nag-ilis ko og groupset nga Shimano Alivio.
Sa nagsugod pa lang sa bike, maayo na ang Alivio kay mao ni ang labing taas sa mga Shimano non-series. Manghod ni sa Deore, nga maoy sinugdanan sa Shimano series.
BASEHANAN
Nganong naghisgot man ko ini? Kay kon mangutana ka og presyo sa bike, ang tanan nagdepende sa imong groupset or mga parts. Although mo-matter sab ang frame ug fork, apan bisan unsa nga brand, magkataas gani ang klase sa group set, magkamahal sab ang biseklita.
Sagad sa wa pay alamag, mosulti ra ba dayon og Shimano ang parts. Mangutana sab dayon ko og unsa nga Shimano. Di na makatubag kay pareho nako sa pagsugod, wa say alamag sa biseklita.
Gikinahanglan gyud diay nga sa di pa mopalit og bike, mag-research una. Naay daghang articles sa Google nga imong magamit sa maayong pagpili sa bike.
WA KAHIBAWO
Daghang sellers sa biseklita nga wa say kasayuran. Sama anang mangutana ka og unsay frame size, tubagon ka og 26, 27 o 29. Wheel size man gud na. Magpadala sab tawon ko og pictures aron mas masabtan ug asa makit-an sagad ang size. Sagad naa ni sa seat tube.
Ang sizes kay extra small, small, medium ug large.
Anyway, maanindot na rong panahuna sa pandemic, daghan na ang gusto og biseklita. Mahimo na ning lifestyle karon.