SUPERBALITA CEBU

P50M nga CCPO headquarter tukuron

GIINAGURAHAN: Sila si Cebu City Mayor Edgardo Labella (tuo) ug Police Regional Office (PRO) 7 Regional Director Albert Ignatius Ferro (wala) nangu sa pag-inagurar sa bag-ong edipisyo sa Guadalupe Police Station niadtong Biyernes, Septiyembre 18, 2020. / Gikan sa Cebu City PIO

Si Cebu City Mayor Edgardo Labella nisaad nga mohatag ang Siyudad sa Sugbo og P50 million sa tukuron nga building sulod sa compound sa Cebu City Police Office (CCPO) sa Camp Sotero Cabahug.

Giluwatan kini ni Labella atol sa pag-inagurar sa bag-ong building sa Guadalupe police station niadtong Biyernes, Septiyembre 18, 2020. Ang pamahayag ni Labella gikalipay pag-ayo sa ni Police Brigadier General Albert Ignatius Ferro., director sa Police Regional Office (PRO) 7.

Matod sa mayor nga gisugdan na ang pag-construct sa firing range sulod sa kampo ug natapos na usab ang program of works and estimates (POWE) sa tukuron nga building nga madugang sa mga opIsina sa kapulisan.

Una nang misaad si Labella sa nagdagan pa ang pagpangampanya sa milabayng eleksyon nga andam siya nga motabang sa kapulisan kon siya ang pilion sa mga Sugboanon sa bugnong lugaynon.

“Nag bidding na ta sa firing range. Sugod na tag construct, so that we will have a firing range. And then there is a POWE (program of works and estimates) P50 million POWE for the construction of a Cebu City Police Office headquarters right there in Gorordo avenue,” matod ni Labella.

Kini gikalipay pag-ayo ni Ferro tungod kay aduna pay mga pulis nga nag opisina sa karaan nga building nga kinahanglan na nga ayuhon.

Gipasalamatan niya ang mayor kay sukad sa sinugdanan sa iyang pamunoan sa PRO 7, way puas ang suporta niin.

Gani, gihulagway niya nga amahan sa mga pulis sa Sugbo si Labella ug mitabang usab nga mapabilin siya sa pwesto isip director sa kapulisan sa Central Visayas.

“Very much welcome development. We will appreciate because from the very beginning, I would like to state sa atung kaigsuonan sa diri sa Sugbo, that from the very start, the good mayor of Cebu, Mayor Edgar Labella continuously sustain the support to our police force,” matod ni Ferro.

Si Ferro nalutsan na unta og kamandoan gikan sa Camp Crame pagpaelibo kaniya sa katungdanan ug ibalhin sa Directorate for Integrated Police Operations (DIPO) sa Southern Luzon, apan gibalik siya sa pwesto tungod sa matod pa hangyo nga ipabilin lang una siya sa Central Visayas. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!