ANDAM makighinabi ang pamilyang Garcia sa mga doktor sa Chong Hua Hospital bugti nga ipakita daan ang kompletong medical records sa nakalas niya nga mga igsuong sila si Nelson Garcia ug Barili Mayor Marlon Garcia.
Mao kini ang gipahibaw ni Atty. Winston Garcia, chairman sa CFI Cooperative sa Septiyembre 19 sa mga tigbalita pinaagi sa tawag sa telepuno.
Subay sa statement sa naasoyng hospital sa Septiyembre 18, andam sila nga makigsulti sa pamilyang Garcia paghatag og explanation sa ilang mga pangutana.
Apan sigon ni Atty. Garcia nga gipasidan-an na silang daan sa mga doktor nga kuhaon una niini ang death certificate sa magsuon aron makakuha sila og special power of attorney una makapagawas sa records sa hospital.
“They were the once who issued the certificate and now they are demanding the certificate of our two brothers so they can get special power of attorney. So they can give us the records but my two brothers are already dead,” matod ni Garcia.
“They are giving us excuse not to give these records. If they have nothing to hide and if they can explain to us why after letting us spend almost P9 million, my two brothers died. Then give us the records first and then let’s call the dialogue with two exposed doctors because we have a lot of questions,” matod ni Winston.
Gawas sa mga pangutana sa pamilya labot sa medical procedures, buot usab nilang susihon kon nganong niabot og P1.6 milyones o P800,000 matag pasyente ang ilang nabayran alang lang sa Personal Protective Equipment (PPE).
Saysay ni Garcia nga buot nila makighinabi sa duha ka mga doktor nga ilang gikadudahan tungod kay di motubag sa ilang mga tawag ug giingong maoy nikombinsir sa mga nangamatay niyang igsuon nga ipaubos sa treatment sa Intensive Care Unit (ICU).
Nidepensa usab si Garcia nga ang ilang gibuhat di aron sa pagpakauwaw sa mga doctor, apan sa pagpangita sa hustisya ug tubag sa ilang mga pangutana.
“Grabe ha, shaming ra gani ila. Nauwaw ra sila ako, two of our brothers were already lost. Dili nana mabalik namo. Unsa man sil,a dili nalang ta ka question nila tungod kay doctors sila? We have valid questions kay you know a lot of Covid patients already survived.”
Hinuon, gipahibaw ni Garcia nga gipasaligan sila nga kaltasan og P1.5 milyones sa bayranan o tag P750,000 sa matag pasyente ubos sa Philhealth Insurance.
Gibutyag niya nga niabot og P5.4 milyones ang hospital bill ni Barili Mayor Marlon Garcia samtang P3.3 milyones usab kang kanhi Dumanjug Mayor Nelson Garcia diin sa kinatibuk-an moabot og P8.7 milyones. (ANV)