SUPERBALITA DAVAO

Gipatay nakuhaan og shabu

Hulagway iya sa Radio Bandera Mindanao

DUNAY nakuhang shabu gikan sa biktima nga gipusil-patay didto sa Purok 1-Rizal, Barangay Canocotan, Siyudad sa Tagum ala 1:15 sa kaadlawon, Biyernes, Septiyembre 18, 2020.

Ang biktima giila nga si Benjo Gumapac Saisa, 41, minyo, self-employed ug molupyo sa Purok 3, Durian Avenue, Barangay Madaum sa nahisgutang siyudad.

Base sa inisyal nga imbestigasyon, sakay ang biktima sa gimaneho niyang Suzuki Raider 150 apan mihunong aron magpatubil og gasolina.

Apan usa ka sports utility vehicle nga sakyanan niabot, sakay ang tulo ka wala mailhing mga armado, ug sa walay daghang istorya, gipusil ang biktima sa makadaghang higayon tumong sa nagkadaiyang parte sa lawas nga misangko sa hinanaling kamatayon.

Human sa gihimong pagpamusil, mga suspek nagdaling nangagiw paingon sa wala masayring direksiyon ug gibiyaan ang biktima nga naglunang sa kaugalingong dugo.

Narekober gikan sa crime scene ang 12 ka mga basiyo sa bala sa gituohang kalibre .45 nga pistola.

Gibutyag nga gidala sa pribadong punerarya ang patay’ng lawas sa biktima ug nakit-an sa lawas niini ang usa ka sachet sa gituohang shabu.

Motibo sa krimen lakip ang matuod nga bansagon sa mga suspek padayon pa nga gisusi sa mga kapulisan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph