SUPERBALITA CEBU

Kargador gipusil, patay sa ospital

NABUGTOAN sa kinabuhi ang usa ka kargador sa Cebu City Medical Center (CCMC) human pusila sa mamumuno nga nagsakay og motorsiklo sa dan MC Briones sa Barangay Sto. Niño, siyudad sa Sugbo niadtong Sabado sa gabii, Septiyembre 19, 2020

Ang biktima nagpahuway na unta sa ibabaw sa iyang kariton apan kalit lang nga usa ka motorsiklo ang niabot nga gisakyan sa giingong nagbinugtong nga mamumuno ug dayon pusil sa kaniya.

Si Police Staff Sergeant Francel Buling sa Waterfront Police Station, niila sa biktima nga si Joseph Payot alyas Jojo, 47 ang edad ug molupyo sa Barangay Talamban, siyudad sa Sugbo.

Samtang ang nagbinugtong nga suspek nga sakay sa motorsiklo wala pay kasayuran ang mga pulis sa pangan o sa pagka tawo niini.

Si Payot naigo sa iyang tiyan atol sa pagpamusil.

Human pusila, maayong pagkahug ang biktima sa kanal nga padayon pa nga gitrabaho human kini mahulog gikan sa kariton nga iyang gihigdaan.

Ang biktima gitabang sa mga sakop sa medical personnel nga maoy miresponde aron madala kini sa balay tambalanan.

Nakahatag pa kini sa iyang pangalan lakip na ang iyang pinuy-anan. Apan paglabay sa pipila ka oras, nakabsan kini sa kinabuhi.

Ang kapulisan nagduda nga posibleng dunay nakaaway si Payot o dili kaha nakalalis nungdan nga gibirahan. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph