SUPERBALITA CEBU

P1M reward alang sa pagsikop sa killers sa konsehal

Si Lapu-Lapu City Mayor Junard Chan nitanyag og P1 million reward alang sa pagsikop sa mga mamumuno kang Mactan Barangay Councilor Zandro “Sanny” Augusto, kinsa giatake sa nagmotorsiklo nga mamumuno niadtong Sabado sa gabii, Septiyembre 19.

Ang local executive nikondenar sa brutal nga pagpatay ni Augusto. Unang higayon nga usa ka opisyal gipatay sa Lapu-Lapu City atol sa 14 ka buwan pa lang nga administrasyon ni Chan.

“Kusganon natong tinguhaon nga makab-ot ang hustisya alang sa iyang kamatayon pinaagi sa pag-ila, pagdakop ug pagtaral sa hukmanan sa mga naghimo sa salaud aron ilang pagabayran ang kinabuhi nga ilang giutang (We will strongly pursue justice over his death by identifying and arresting the perpetrators and conducting trial in court against them so they can pay for the life they took),” matod ni Chan, kini nipahibalo sa reward money sa iyang Facebook page kagahapon, Septiyembre 20.

Matod ni Chan, kon si kinsa ang nakasaksi sa hitabo, mahimong mo-text o motawag sa ilang kasayoran sa 09989673794 or 09393711288.

Ang lakang sa mayor gihangop ni Lapu-Lapu City Police Office (LCPO) Director Col. Clarito Baja, kinsa moumol og special investigation task group sa maong kaso.

Matod ni Baja sa phone interview sa SunStar Cebu, ang LCPO Station 3 nagsugod sa ilang imbestigasyon sa mga saksi ug pagsusi sa security cameras sa dapit.

Ang kapulisan nitutok sa tanang posible nga anggulo sa krimen. Si Augusto, 40s, nanag-iya og daghang negosyo, lakip sa pawnshop, cell shop ug bicycle store. (KAL, RRM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph