SUPERBALITA CEBU

Kabag-ohan nasinati, walay kausaban sa batakang lagda sa pamahayag, kamatuoran

USA ka lahi nga pagsaulog ang pagahimuon karon alang sa tinuig nga Cebu Press Freedom Week (CPFW) kun diin tanan nga kalihukan alang niini ipahigayon online o virtually tungod sa Covid-19 pandemic.

Matod ni Lucky Malicay, editor sa The Freeman ug usa sa mga convenor sa ika-28 nga CPFW celebration, sugod niadtong Dominggo, Septiyembre 20, hangtod ngadto sa Septiyembre 26, dako ug importante g’yod ang papel sa makabag-ong teknolohiya karon kon asa ang tradisyunal nga naandan nga pagsaulog sa maong kalihukan mamahimo ng usa ka virtual celebration sa mga sakop sa Cebu media alang sa pagdayeg sa kagawasan nga gitagamtam karon sa Cebu media.

“This year’s online edition of the Cebu Press Freedom Week is a proof of our resilience. Despite the adversity, are still capable of celebrating press freedom in the usual fashion,” matod niya.

Sigon ni Nini Cabaero, editor-in-chief sa SunStar Cebu, nga bisan pa man sa mga kabag-uhan nga nasinati sa mga miyembro sa media, wala gihapon mausab ang kamatuoran nga kinahanglan pamalandungon sa media ang iyang obligasyon ug kon giunsa ug para asa kini nila gibuhat.

Dugang ni Cabaero nga dako og papel ang Cebu media hilabi na karong panahon sa pandemya kon kanus-a gikinahanglan gayud sa publiko ang kasaligan ug beripikado nga impormasyon.

“Let’s assess how we measure up to that expectation and, at the same time, remind the public that we need them to uphold press freedom and promote an informed citizenry,” sigon niya.

Si Rev. Fr. Jonathan Rubin, sa iyang homily sa usa ka misa nga gihalad atol sa opening day sa ika-28 nga CPFW nga gisaulog didto Sto. Niño Parish Church sa Medellin, Cebu niadtong Dominggo, nagpahinumdom nga kinahanglang responsable ang paggamit sa kagawasan.

“Press freedom is not just about commenting anything. Press freedom is not just about broadcasting anything. Press freedom is not just about saying anything against the person or for the person,” matod niya.

Gipasabot niya nga sa tanang panghitabo nga nagdala og kahiusaban sa kinabuhi karon, nagpasabot kini nga importante ang pag-ampo ug pagsampit sa Ginoo.

Dugang niya, “Every time we kneel down as Christians and Catholics, we always have a choice. It is either to be desperate or to be hopeful.”

Lakip sa mga aktibidad nga giandam alang sa ika-28 CPFW mao ang usa ka webinar alang sa “Digitalization and Cybersecurity” nga pagaunhan sa The Freeman ug Bank of the Philippine Islands inig Biyernes, Sept. 25 sa ala 1:30 sa hapon ug ang “SunStar’s Reaching Out to Future Journalists forum on how journalists can maximize the use of digital platforms” karong Miyerkules, Septiyembre 23.

Samtang, matod ni Fr. Robert “Bobby” Ebisa, presidente sa Kapisanan ng mga Brodkaster ng Pilipinas (KBP) Cebu Chapter nga adunay posibilidad nga ma-postpone o dili madayon ang KBP month celebration karong tuiga tungod sa pandemiya. (WBS)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph