Gisusi pa sa kapulisan ang background sa magtiayong gipamusil patay sa wa pa mailhing mamumuno sa Lunes sa kaadlawon, Septiyembre 21, 2020 sa sityo Saging, Barangay Lawaan 2, Dakbayan sa Talisay.
Mga biktima mao sila si Rogelio Tupas, 60, panday, ug asawa nga si Virginia, 55, manindahay og isda.
Si Bernaliza Tupas, anak sa magtiayon apan naa na sa pikas balay nagpuyo, niingon nga sila nakadungog og mga buto sa pusil.
Ang iyang bana nisusi sa gawas, apan way nakita nga tawo.
Ilang nabantayan nga ang pultahan sa balay sa iyang mga ginikanan bukas na, busa ilang gisusi.
Ila kining gisusi ug didto, ilang nakaplagan ang mga lawas sa iyang mga ginikanan nga naglunang sa dugo ug dunay mga samad pinusilan.
Nagpadayon pa ang Talisay Police Station sa ilang imbestigasyon. (BBT)