SUPERBALITA DAVAO

'Oplan Ber' gilusad sa Digos police batok krimen

Hulagway gikan sa Digos City Police Station E-Reklamo Facebook page

GILUSAD na sa kapulisan ang "Oplan Ber" nga hugot ipatuman sa tanang sakop sa Digos City Police Station (DCPS) aron batukan ang mga nagkadaiyang kriminalidad samtang nagsingabot ang adlaw sa Pasko.

Sumala ni Lieutenant Colonel Vici Anthony Tababa, hepe sa DCPS, sugod ning buwan sa Septyembre hangtud sa Disyembre pakusgan nila ang kampanya batok sa mga street crime, akyat-bahay, bukas kotse, hold-up, budol-budol, mogamit og pekeng salapi ug uban pang kriminalidad.

Matud ni Tababa nga ang nasud maoy pinakataas og panahon sa pagsaulog sa kapaskuhan diin daghan sab ang nagapanaygon sugod pa lang sa unang semana sa Septyembre nga molungtad pa sa buwan sa Enero.

Luyo sa giatubang nga pandemya sa nasud, nagpabiling aktibo ang ekonomiya sa dakbayan, mao nga gilaumang ubay-ubay gihapon sa katawhan ang nagaadto sa mga simbahan, malls, merkado ug uban pang shopping establishments.

Gilantaw nang daan sa kapulisan nga aduna gihapoy mga grupo sa sindikato nga buot mopahimulos sa okasyon pinaagi sa pagpambiktima ug mga indibiduwal.

Gidason ni Tababa, kinahanglang mapalig-on ang law enforcement operation pinaagi sa intensified police visibility sama sa pagpatrolya ug checkpoint sa kadalanan.

Gawas sa Oplan Ber, nagpadayon sab ang Oplan Patagam ug Oplan Bakal Sita nga kabahin sa pagpakgang sa mga ilegal nga aktibidad sa dakbayan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph