SUPERBALITA CEBU

Tambagi ko Noy Kulas: Maguwang hilabtanon

Dear Noy Kulas,

Palihug tagoa lang ko sa ngan nga Ms. M, 27 anyos. Nagtrabaho ko diri sa Cebu City sa usa ka dakong kompanya. Ang akong problema ang akong maguwang nga hilabtanon sa akong relasyon.

Sukad pa sa una, hilabtanon ning akong maguwang nga lalake sa akong lovelife. Duha na nako ka mga boyfriend ang iyang nakasukmagay kaniadto kay iyang gihilabtan. Usually siya ang rason nga mabuwagan nako ang akong mga boyfriend nga nangagi kay iya mang hilabtan.

Lately, naa koy uyab nga maayo kayo og profession. Kaning akong maguwang bisan minyo na, magsige gihapon og panghilabot sa akong lovelife bisan wa na siyay katungod. Karon nga ting quarantine makabisita gihapon ang akong BF mao nasuya siya. Kon naa siya sa balay kay usa ra man mi ka compound, iya ning pasingitan og estorya aron ma irritate.

Ambot unsay naa sa iyang huna-huna nga magsige man ni siya og panghilabot sa akong lovelife bisan naa na ko sa akong hustong edad. Ang among parents di makapalag kay partly siya ang nagbuhi nila. Unsa kahay akong buhaton sa akong maguwang aron mohunong na siya og panghilabot?

MS. M

Ms. M,


Kon naa ka nay kaya nga igasto sa pag separate gikan sa imong parents, barog na og imoha. Naa man kay trabaho nga imong ikasarang sa imong mga panginahanglan ang suweldo? Kana maoy buhata kay aron di na siya makapanghilabot nimo ug sa imong lovelife. Unsaon man niya sa paghilabot kon wa ka na sa inyoha? Samot na siyang wa nay katungod.

Sa di ka pa mobiya sa inyong balay, you better talk to him agig warning niya nga serious ka sa imong pagka independent sa imong kinabuhi. Kay bisan gani ang imong ginikanan karon di man makabuot sa imong mga desisyon sa kinabuhi. Busa, siya nga imong maguwang di usab angay nga manghilabot nimo. Makahilabot lang sila kon imong gusto. Makagiya lang sila, di makadiktar sa imong mga desisyon sa kinabuhi.

NOY KULAS


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph