SUPERBALITA DAVAO

Negusyante naguol pagsira sa sam-ang

SunStar File

DAVAO DEL SUR -- Di lang mga indibiduwal, kon di apil ang mga negusyante ang naguol sa mando nga pagpasira sa tanang pribado ug publikong sementeryo sa nasud gikan Oktubre 29 hangtud Nobyembre 4 atol sa paghandom sa Kalag-Kalag.

Usa si Nanay Rosing nga taga Sitio Bagong Silang sa Barangay Managa, Bansalan nga naguol human nga dako na ang iyang gasto sa mga pananom nga bulak sanglit iya kining giandam alang sa pagdagsa sa mamalitay og bulak sa Nobyembre 1 ug 2.

Apan abri ang tanang sementeryo gikan pa niadtong Septyembre 17 hangtud pa sa Nobyembre 15 gawas sa nahisgutang mga petsa.

Apan kinahanglan gihapon nga 30 porsiyento lang ang moadto sa mga sam-ang nianang mga adlawa.

Samtang naguol sab si Cheryl Mae, 21, taga Bansalan, kay di niya maduaw ang iyang iyang apohan sa pampublikong lubnganan sa lugar.

Si Delia Diama, 52, nga kumprador og buwak sa Barangay Kapatagan, sa siyudad sa Digos, naminghoy sab human masayod sa abiso.

Ang tindera og kandila nga si Myrna Rosal sa samang siyudad naguol sab sanglit ang Kalag-Kalag maoy ilang giatngan nga okasyon sama sa niaging tuig nga dako ang ilang kita.

Gumikan sa pandemya, mga senior citizens sab ug mga nag-edad og 20 anyos paubos gidid-an gihapon nga moadto sa mga sam-ang ning panahon sa Covid-19.

Tungod sa abiso, gilauman nga gamay lamang ang moduaw og tinagsa nga moadto sa mga sementeryo atol sa gitugtang petsa.

Kini sab maoy hinungdan nga naminghoy ang mga negusyante ug indibiduwal panahon sa Kalag-Kalag. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph