GIBUTYAG sa beteranong si Larry Fonacier nga dili siya moduwa sa NLEX Road Warriors inig balik sa aksyon sa Philippine Basketball Association (PBA) pinaagi sa bubble nga konsepto sugod karong Oktubre 9, 2020 sa Clark, Pampanga.
Mismong si NLEX coach Yeng Guiao ang nikompimar niini.
Nagkanayon si Guiao nga nananghid si Fonacier kabahin niini gumikan sa personal nga rason ug gitugtan kini sa management.
“His wife has health issues. The team and management understands his situation,” matod ni Guiao sa interbyu sa www.abs-cbnnews.com.
“Family is always a priority.”
Si Fonacier maoy labing unang magduduwa nga napahibalo nga dili moduwa sa PBA bubble. (ESL)