Dear Papa Joe,
Ako diay si Karla, 25 anyos na ang panuigon ug dalaga. Ania ako nagpuyo sa Oslob, Cebu.
Ang akong suliran kabahin sa akong kaila nga dugay na nanguyab nako ug bisan akong gibalibaran di gihapon moundang kay di kuno siya magpabalibad kay tinarong kuno iya unya kon manawag, di nako tubagon kay moadto sa balay ug moingon dayon nga arte kuno ko ug magpahaba sa akong mga ginikanan kay suod man iyang amahan ug ako papa. Mao sultihan ko sa akong amahan nga atubangon og tarong, apan bisan tarungon mogara man, di pabalibad pero sige ko deny niya.
Di man sad siya batig nawong. Kwartahan pa gyud ug 30 pa ang edad pero ambot di man nako siya type. Unsa may buhaton ko?
KARLA
Karla,
Basin gisapot lang ka sa pagka presko niya kay na-appreciate man gani nimo iyang ka gwapo. Basin og di nana mamisita nimo, anha pa nimo siya pangitaon. Pero kon wala gyud ug labi na naa kay laing prospect, pasabta ang imong ginikanan nga mao ni ang imong gibati ug respetuhan sad nila imong desisyon. Ang lalake sad prankahan nimo nga kon tinud-anay siyang nahigugma nimo, morespeto siya sa imong desisyon.
Lisud man gud ma pressure ka maong mosugot ka unya puno sa pagmahay inig human.
PAPA JOE
(sa inyong tampo ipadangat lang sa papajoesuperb@gmail.com)