SUPERBALITA CEBU

Mga pulis ipakatap sa mga sam-ang

SUGOD karong adlawa, Septiyembre 23, ang kapulisan sa Central Visayas mopakatap sa ilang personnel sa nagkadaiyang sam-ang tibuok rehiyon.

Sa dihang ang nasudnong kagamhanan nimando sa pagsirado sa mga sementeryo gikan Oktubre 29 ngadto na sa Nobiyembre 4, 2020.

Sa tuyo nga dili magdasok ang mga tawo sa kabalaka nga mosaka na sab ang kaso sa coronavirus disease.

Gipahibawo ni Police Brigadier General Albert Ignatius Ferro, direktor sa Police Regional Office (PRO7) nga iyang gitahasan ang Crisis Response Battalion (CRB) nga maoy mo-monitor, diin 30 porsento sa gidaghanon sa mga tawo ang tugotan makasud sa sam-ang.

Padayon usab ang quarantine checkpoints sa kadalanan nga mobadlong niadtong mga tawo nga wala magsul-ob sa ilang mga facemask ug face shield, usa sa gipatuman nga minimum health standard sa Regional Inter-Agency Task Force (RIATF) gawas sa social distancing ug ang kanunayng pagpanghugas sa kamot.

Sama sa naandan pabutangan ni Gen. Ferro ug mga help desk ang mga dagkong sam-ang sa Metro Cebu nga mo-abag sa mga tawo nga mangita sa lubong sa ilang mga kabanay nga mitaliwan na.

CEBU CITY

Samtang way gitugotan nga makapaninda sulod sa mga sam-ang sama sa pagkaon, kandila ug buwak.

Sa kadtong mosupak hayan ibalhug sa bilanggoan.

Ang maong vendors lakip na ang mga sepulturero nga niabot og 426 ka mga indibiduwal hatagan ni Labella og tag-25 kilos nga bugas ug can goods.

Ang chief of operation sa Department of Social Welfare and Services, Jonil Matuguina maoy gitahasan ni Cebu City Mayor Edgard Labella sa pagtunol sa maong hinabang sa maong beneficiaries.

Ang mayor nanawagan sa katawhan sa dakbayan nga sabton ang sitwasyon karon sanglit anaa pa sa pandemiya ang dakbayan ug kaayuhan sab kini sa kinabag-an.

"In addition to minimum health requirements like wearing of face mask, social distancing, washing of hands and avoid mass gathering. Only 30 percent sa total capacity sa minteryo maoy ray makasulod sa samang higayon, usa ni sa guidelines nga atong ipatuman," pahibawo ni Labella.

Ang Cebu City Government mo-implementar og 30 porsiyento nga kapasidad sa mga tawo nga mosulod sa public ug private nga menteryo sa dakbayan sugod Septiyembre 26 ngadto na sa Oktubre 28, 2020.

Atol sa mga petsa nga sirhan ang mga sam-ang sa dakbayan sa Sugbo bugtong tugotan nga makasud sa Nobiyembre 2 mao ang mga pare ug sacristan alang sa ipahigayon nga misa.

LAPU-LAPU CITY

Samtang sa Lapu-Lapu City gimanduan ni Lapu-Lapu City Mayor Junard Chan ang mga tagdumala sa mga sam-ang sa mainland Lapu-Lapu ug isla sa Olango nga moduso og listahan sa gidaghanon sa mga minatay nga nalubong sa mga sementeryo.

Kini arong nga mabahig ang gidaghanon sa mga moduaw atol sa pagtimaan sa adlaw sa mga patay.

“We will close the cemetery starting October 30 until November 3, we will resume Nov. 4. So, start of the visitation date is October 15 mao nay sugod nato, mao nay na-agreed.

“Gibawal nato ang pagkaon-kaon sa menteryo, naa tay mga pulis, tanods, Force multipliers nga mag-monitor nga your visitation is only good for two hours,” matod pa ni Chan.

Gipahibawo sad niya nga oras sa pagbisita gikan sa 6:00 sa buntag ngadto na sa 6:00 sa gabii.

Niining maong okasyon gitugotan ang mga Senior Citizens nga makagawas sa ilang panimalay aron nga makaduaw sa mga sementeryo taliwala sa pagpa-ubos sa siyudad sa modified general community quarantine (MGCQ).

MANDAUE CITY

Sa dakbayan sa Mandaue susamang adlaw o petsa sirad-an sab ang mga pribado ug publikong sam-ang base sa giluwatan nga executive order ni Mandaue City Mayor Jonas Cortes.

Mi-awhag ang kagamhanan sa dakbayan sa Mandaue nga mobisita nang daan sa ilang mga mitaliwan nga mahal sa kinabuhi.

Matod ni Atty. John Eddu Ibañez, executive secretary ni Cortes, nga mamahimo nang makabisita daan sa mga menteryo apan 30 porsento lang sa kapasidad ang makasulod ug kinahanglan gihapon nga motuman sa minimum health protocol.

Gitahasan sa kagamhanan sa dakbayan sa Mandaue ang Mandaue City Legal Enforcement Unit ug ang Mandaue City Police Office sa pagsiguro nga matuman ang mga sumbanan. (AYB, PAC, FVQ, KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph