SUPERBALITA CEBU

Isyu sa kurapsiyon gitubag ni Caindec

GITUBAG ni Land Transportation Office Central Visayas (LTO 7) Director Victor Caindec ang mga akusasyon batok kaniya base sa pamahayag ni Presidential Spokesperson Harry Roque niadtong Lunes, Setyembre 21, 2020 didto sa Cagayan de Oro.

Nagpasumbingay si Roque nga nagkanayon angay nga magtarong ang usa ka opisyal sa transportation sa Central Visayas human kini malambigit sa kurapsyon.

Wala gihinganli ni Roque ang maong opisyal apan matod pa ni Caindec, nga siya ang gipasabot niini.

Si Caindec nagtuo nga may kalambigitan kini sa usa ka dakong imbestigasyon nga gihimo karon sa LTO 7 batok sa lima ka vehicle dealership (wala nganli) nga giingong nisuway pagsuhol kaniya aron wala nay sabit sa ila unyang umaabot nga transaksiyon sa LTO 7.

“Let’s cut to the chase. He (Roque) is referring to Region 7 and he is referring to me as a regional director, but if he is going to accuse me of being corrupt, then I would demand that I would be given a fair chance to present everything that is in our possession so we will know who is corrupt,” matod pa ni Caindec atol sa press briefing niadtong Martes, Septiyembre 22.

Sumala pa nga ang pagpadayag niya sa maong isyu maoy iyang pamaagi aron masiguro nga dili siya basta bastang mapahilom human iyang gibutyag nga nakadawat siya og mga hulga.

“You know, when you start to uncover things like these that may come up to billions, there is obviously a lot of desire to silence you. Now, I think the first strategy is really to bring me out of my job, to embarass me,” dugang niya.

GI-PRESSURE

Matud niya, kini usa ka “well-orchestrated act” aron sa pagpugos niya nga ipahunong ang imbestigasyon nga ilang gibuhat, pinaagi sa pagtangtang kaniya isip opisyal sa LTO 7.

Segun ni Caindec nakadawat ang ilang buhatan og daghang reklamo mahitungod sa giingong pag dumili kuno sa dealers sa pag-isyu og kopya sa mga bag-ong rehistro sa ilang mga kliyente diin gibasol ang LTO gumikan sa kalangay sa pag-proseso sa mga rehistro.

Gihimakak kini ni Caindec ug mipahibawo nga sa miaging buwan zero backlogs sila.

Kini nagpasabot nga ang hepe sa ilang registration units sa New Registration Division ni-certify nga wala silay record nga nilapas sa gitakda nga timeline nga gihatag kanila alang sa pagproseso niini.

Matud niya nagpadala ang LTO 7 ug 11 ka show cause orders sa lima ka dealership apan wala kini gitubag.

Nasundan kini og usa ka press release gikan sa usa ka public relations wire sa Cagayan de Oro nga giingong nag-akusar kaniya isip kurap.

TAGA-CDO

“So, ang akong pangutana, we are the only LTO region investigating a dealership. I am the only director, well, at least in my opinion, I refused a bribe offer, which led to this extensive investigation. So kung kami ra’y ga-imbestiga, kami ra diay ang corrupt?” pangutana niya.

Iya sab gi-kuwestiyon kung nganong sa Cagayan de Oro nagpagawas sa maong pamahayag si Roque, kung diin na isyu ang maong press release.

Butyag ni Caindec nga ang chairman sa maong motor dealership kay nagpuyo usab sa Cagayan de Oro.

“Would not that deserve a fair answer from me?” dugang ni Caindec. (WBS)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph