SUPERBALITA CEBU

PB mitugot ni Garcia pagkiha

GITUGOTAN na sa Hunta Probinsyal si Cebu Governor Gwendolyn Garcia sa pagpasaka og mga kasong kriminal, administratiba ug civil batok sa mga indibidwal o entity nga responsable sa giingong “anomalous and grossly disadvantageous transactions of the Province of Cebu” sa joint investment agreement (JIA) tali sa Manila Water Consortium, Inc. (MWCI).

Sa Lunes, Septiyembre 21, sa session, gipasar sa Hunta Probinsyal ang resolusyon ni Bokal John Ismael Borgonia nga nagtugot kang Garcia sa pagpirma sa mga reklamo aron makatikang na sa pagpasaka og kaso batok sa mga responsable.

Si Borgonia nagkanayon nga nahuman na ang imbestigasyon nga gipahigayon sa opisina sa gobernador kalabot sa mga transaksyon sa MWCI diin nasuta ang giingong mga anomaliya.

“As far as we know, naa nay investigation nga gi-conduct ang Office of the Governor, Provincial Legal Office, the team of consultants at the same time naa nay mga initial findings but as to the persons responsible, it’s up to the legal team,” matod ni Borgonia.

Wa mohingan si Borgonia sa mga indibidwal nga malakip sa pasakaan og complaint aron dili ma preempt ang lakang sa Provincial Legal Office.

Sa pag balik ni Garcia sa pwesto sa 2019, gitumbok sa iyang legal consultants ang dakong kausaban sa terms sa JIA kon itandi sa kon unsa ang nasabotan tali sa Manila Water ug Probinsya sa 2012.

Ang kagamhanan nilagda og JIA tali sa Manila Water alang sa P702 milyones nga proyekto sa pagpalambo sa water supply facilities pinaagi sa pag tap sa surface water sa Luyang River sa lungsod sa Carmen, amihanang Sugbo.

Atol sa pagsusi, nasuta nga gipaburot sa consortium ang project cost sa water supply facility og moabot P1.003 bilyones o sobra P301 milyones sa unsay nasabutan.

“Ang original man gud nga business plan na change ang capitalization from P700 million, nahimong P1 billion kapin. Unya ang issuance niini, nahimo man gud ni nga preferred shares so mao nang wa gyud ta kadawat sa Province og shares sa income sukad pag 2013 ani. Unya ang amount of return unta sa atoa na reduced na. Unya wa moagi sa Provincial Board ang pag change ana,” matod ni Borgonia.

Ang Kapitolyo nibutyag nga wa kini makadawat og bahin o profit share gikan sa joint investment project nga moabot unta og 49 porsyento samtang 51 porsyento ang iyaha sa Manila Water.

Sa original nga kasabutan, ang Kapitolyo modawat unta og project internal rate of return nga 19.23 percent kun ginansya sa kinatibuk-ang kita sa P702 million nga proyekto.

Apan giingong giusab sa Manila Water ang project cost gikan sa P702 million ngadto sa P1.003 billion kun dugang nga P301 million. Apan giingong gipagamyan sa water consortium ang bahin sa Kapitolyo sa internal rate of return gikan sa 19.23 porsyento ngadto na lang sa 12.30 porsyento. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph