SUPERBALITA CEBU

Hubog natagak sa dagat, nalumos

LALAKENG hubog nga nitubag sa sugo sa lawas patay na nga napalgan sa Lunes sa alas 3 sa hapon sa Septiyembre 21, 2020 sa mga residente sa Barangay Sawang Calero ug Suba, Dakbayan sa Sugbo.

Si Police Senior Master Sergeant Ronald Cabrera, chief Investigator sa Sawang Calero Police Station, niila sa biktima nga nalumos nga si Rainer Nuñez, 49, taga Block -5, Barangay Sawang Calero ning siyudad.

Matod ni Cabrera nga ang kapuyo ni Nuñez nga ilang nahinabi miingon nga niadtong Dominggo sa gabii, nag-inom ang biktima human sa pagpangarga nga maoy naandan.

Nananghid kini kaniya nga motubag sa sugo sa lawas.

Wa na kini mahibalik ug nagtuo ang kapuyo nga naa ra sa silingan. Nianang alas 3 sa hapon sa Lunes, nahibaw-an nga si Nuñez nalumos dihang nilutaw ang lawas.

Dali kining gidala sa sa daplin sa dagat sa Quick Response Team (QRT) sa City Disaster Risk Reduction and Management Office (CDRRMO).

Ang Scene of Crime Operation (SOCO) personnel nga misusi sa lawas way nakitang mga timailhan sa foul play. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph