SUPERBALITA CEBU

Mga bombero milibot sa kabarangayan

NAREKURIDA ang mga sakop sa Mandaue City Fire Station (MCFS) sa kabarangayan sa dakbayan aron pagpahibawo sa mga fire safety tips lakip sab ang mga safety precaution batok sa coronavirus disease (Covid-19).

Kini subay sa “Oplan Ligtas Pamayanan” program ,usa ka nasyonal nga programa nga gilusad sa Bureau of Fire Protection (BFP).

Buntag sa Martes, Septiyembre 22, 2020, gipahigayon sa mga opisyal sa MCFS ang ikaduhang adlaw sa ilang pagrekurida sa Barangay Alang-Alang ug Mantuyon.

Kuyog sa pagrekurida mao si FO2 Charles Rogel Mutia, team leader, kinsa niingon nga gisiguro nila sa pagsuroy mao ang highly hazard nga mga barangay.

Niadtong Lunes, Septiyembre 21, 2020, nasuroy na nila ang Barangay Ibabao-Estancia ug Subangdaku.

Bisan kon sila mosuroy sa kada barangay, gituyo sab nila nga mag Facebook live pinaagi sa ilang opisyal nga Facebook page aron mas molapad pa ang audience sa pagrekurida.

Di lang sab kabahin sa mga fire safety tips ang ipahimangno nilang Mutia, lakip na ang pagpahimangno sa pagsunod sa minimum health protocol sama sa pagsul-ob og face mask, social distancing, paglikay sa tapok-tapok ug uban pa.

Niangkon sab si Mutia nga karong tuiga niminos ang mga sunog sa dakbayan, ug kon duna man, dili kini dako.

Apan bisan og minus ang mga sunog sa dakbayan, matod ni Mutia di gihapon mokompyansa, magpadayon gihapon sila sa ilang pagpatuman sa fire prevention program, lakip sa pagrekurida.

Sa laing bahin, gihangop sa Kagamhanan sa Dakbayan sa Mandaue ang kalihokan sa MCFS kay dakong ikatabang sa pagsumpo sa Covid-19 sa dakbayan.

Gidayeg ni Atty. John Eddu Ibañez, executive secretary ni Mandaue City Mayor Jonas Cortes, ang kalihokan nga gibuhat sa MCFS. (KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph