SUPERBALITA CEBU

MGB: Pagkubkob,baligya sa dolomite legal

TALIWALA sa giatubang nga kontrobersiya sa mga mining firms tali sa Lalawigan sa Sugbo tungod sa dolomites sa Alcoy, giklaro sa bag-ong direktor sa Mines and Geosciences Bureau (MGB) nga ubos sa balaod, gitugot ang pagkubkob, pagbaligya ug pag operate sa mining firms basta nahasubay sa Mineral Production Sharing Agreement (MPSA).

Mao kini ang gipasabot ni Engineer Armando Malicse, bag-ong director sa MGB ngadto sa mga sakop sa Hunta Probinsyal.

Si Malicse maoy nihulip kang kanhi direktor Engr. Loreto Alburo nga mao unta ang gidapit pagtubag sa mga pangutana sa mga Bokal sa session sa Septiyembre 21, 2020.

Atol sa session, gipasabot ni Malicse nga subay sa Republic Act No. 7942 kun “An act instituting a new system of mineral resources exploration, development, utilization and conservation,” gitugotan sa pagkubkob ang mining firms sa lungsod sa Alcoy sa ug pagbaligya sa lokal ug internasyonal nga merkado basta ang naa kini sa dapit ubos sa Mineral Production Sharing Agreement (MPSA).

Kini ubos sa Section 26 sa naasoyng balaod nga nag-ingon nga “a mineral agreement shall grant to the contractor the exclusive right to conduct mining operations and to extract all mineral resources found in the contract area...”

Matod ni Malicse nga gitataw sa MPSA nga basta nakatuman ang mga mining firm sa rekisitos sama sa pagkuha og endorsement gikan sa lokal nga kagamhanan ug Probinsya sa Sugbo mahimo kining makabaligya ug maka operate.

“In a nutshell, the extraction of the Dolomite Corporation, as long as it is within the MPSA area bounded by a map is legal... and if they sell it to somebody the contract says its legal, whether it’s local or international. I really made sure of that just before coming here kon unsay nakasulat sa balaod.”

Dugang ni Malicse nga nakasabot siya sa lakang ni Cebu Governor Gwendolyn Garcia sa pagproteher sa mga operasyon nga gibuhat sa Probinsya.

“Our governor wanted to protect also perhaps kanang mga local sand and gravel because the seller of the processed products is not DMC its PMSC. So this PMSC, they do not have control how they’re gonna used it in a particular material, some put it in a lubong, kilid sa dalan, dili na sila makasunod ana.”

Subay niini, usa ka ordinansa may labot sa revenue code sa Lalawigan sa Sugbo ang gilaraw nga amendahan ug ipasar sa Hunta {robinsyal aron motuman ang mining firms ug quarry operations sa paghatag og 10 porsyento sa fair market value ingon man ang governors permit og monitoring fee.

Mao kini ang gibutyag ni Bokal John Ismael Borgonia sa mga tigbalita sa Septiyembre 21.

“Gi-raise naman to ni Gov ang violations sa PMSC ug sa Dolomite Mining Corporation ang katong sa wala pagkuha nila og governor’s permit, wala nila pag bayad ug 10 percent sa dair market value nga dapat i-assess nga bayran sa PMSC... Atong nakita nga kinahanglan siguro ta mopasar og ordinansa nga maghapnig ani nga at least ang MGB, although national government sila, mo honor pod sila sa atong power to tax,” pagpasabot ni Borgonia.

Sigon ni Borgonia nga sa maong paagi, mas ma monitor ang mga supply nga gikuha gikan sa probinsya lakip na ang kalikupan. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph