SUPERBALITA CEBU

Tambagi ko Noy Kulas: Nagduda si Misis

Dear Noy Kulas,

Maayong adlaw nimo. Tawga lang ko og Belinda, 40 years old. Ang akong problema mao ang akong bana nga toa sa abroad.

Mga 10 years na siyang nagtrabaho sa abroad aron makatigom mi ug maka retire siya pag-abot og 50 years old. Mao na ang among nasabutan unta sa iyang pagsugod og pang apply 10 years ago. Mag-ulian ra siya diri every three years. Akong giagwanta ang kamingaw niya aron lang mamaayo ang among future. Nakabalay mi ug nakatindahan nga maayo ang dagan kay nagkadaku. Nakaeskwela sab ang among anak sa private school.

Karon ang problema kay ako siyang nasakpan nga naa didto ang iyang ex nagtrabaho mga two years na. Kaning bayhana mao ni ang iyang GF sa wa pa mi magkauyab. Nagkabuwag sila kay wa ganahi ang iyang parents sa babaye but grabe ka love sa akong bana ang babaye. Niangkon gyud siya nako. Nasakpan nako nga toa ang babaye tungod sa FB post ug sa estorya sa akong duha ka mga amiga.

Akong gi-confront ang akong bana kay siyempre kinsa man nga asawa ang di maalarma? Naa baya giingon nga magkaabot gani ang karaang mga musikero, magtukar gyud na. Ingon sa akong bana nga kahibawo siya nga naa but sukad wa sila magkita. Ambot naglisod ko og tuo kaya patay kayo si Hubby aning bayhana nya rocky pa ang marriage ani niya suma sa akong mga amiga.

Noy, unsa kaha ang akong buhaton? Moapas ba kaha ko sa akong bana human aning pandemic or ako siyang papaulion diri ug di na pabalikon? Please tambagi ko. Daghan kaayong salamat.

BELINDA

Belin,


Ayaw pagsige og huna-huna kay kana ra bang huna-huna, gamhanan ra ba kaayo. Kon magsige kag huna-huna, mahitabo ra ba gyud na. Wa man kahay kausaban sa unsay naandan nga gibuhat sa imong bana? Kon wa, ayaw na kana huna-hunaa ug kabalak-i. Hinunoa, dasiga ang imong bana kanunay alang sa mas closer ug constant nga communication, di ang paghuna-huna og dautan. Saligi siya kay 10 years na man kaha siya sa abroad unya wa siyay trampas.

Iampo ang imong bana and give him all the support pinaagi sa imong pag update kanunay sa mga maayong butang nga imong gibuhat.

NOY KULAS


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph