IPASUSI pag usab ni Alcoy Mayor Michael Sestoso ang Barangay Pugalo kon diin asa gipahigayon ang pagkubkob sa dolomites.
Subay sa gihimong site inspeksyon sa Provincial Environment amd Natural Resources Office (Penro) nakita ang particles sa dinugmok nga dolomite nga na anod sa dagat atol sa pag-transport sa barko pinaagi sa conveyor belt.
Matod sa Penro, moabot sa 500 metros nga corals ang nangadaot. “Ako pa na ipa-validate, mag storya sad mi sa akong Menro kung ang damage dolomite bay nakadaot,” matod ni Sestoso.
Miangkon si Sestoso nga wa siya mahibalo kon may endorsement nga gihatag ang munisipyo o kaha ang kaniadtong administrasyon sa duha ka mining firms. “Basin sa previous Mayor maoy naka endorse ana,” matod sa mayor.
Sa Septiyembre 21, giklaro sa bag-ong direktor sa Mines and Geosciences Bureau (MGB) Armando Malicse nga ubos sa balaod, gitugot ang pagkubkob, pag baligya ug pag-operate sa mining firms basta nahisubay kini sa Mineral Production Sharing Agreement (MPSA).
Buot ang Hunta Probinsyal nga mopasar og ordinansa pagpa-comply sa mga kompanya sa pag bayad sa tax og 10 percent fair share niini. (ANV)